“Nëse organi antidoping po bën punën e tij, Djokovic duhet të pezullohet”, legjenda franceze godet ashpër nacionalistin serb

Ish-çiklisti francez Marc Madiot goditi ashpër sportistin e padisiplinuar, Novak Djokovic, pas ngjarjeve në Davis Kup në Malaga të Spanjës, ku nacionalisti serb kundërshtoi testin e dopingut para ndeshjes.

Koha ishte e diskutueshme për teniserin pasi stafi i Agjencisë Botërore Anti-Doping (WADA) u shfaq në dhomën e tij të zhveshjes një orë e gjysmë para ndeshjes kundër Cameron Norrie në çerekfinale, dhe Madiot tha se serbi duhet të të pezullohet.

“Drogat e përdorura për doping mund të zbulohen në një kohë shumë të kufizuar dhe për këtë arsye është e rëndësishme që testimi të bëhet para performancës”, deklaroi Madiot për Les Grandes Gueules du Sport.

Lexo po ashtu Davis Cup nuk i ka dërguar ftesë Serbisë për sezonin tjetër të vitit 2024

“Gjatë garës mund të ndodhë që gjurmët e produkteve të dopingut të eliminohen. Ata kanë të drejtë për të testuar sportistin para ndeshjes – ata po bëjnë punën e tyre”.

“Nëse ata e bëjnë punën e tyre siç duhet, Djokovic duhet të pezullohet. Ai refuzoi testin para ndeshjes dhe e pranoi atë më pas. Në çiklizëm, nëse refuzoni, atëherë nëse je pozitiv, do të gjobitesh”.

Kujtojmë se ekipi e Serbisë në Davis Cup u eliminua nga Italia në gjysmëfinale të këtij kompeticioni, të cilin italianët e fituan përfundimisht. /Telegrafi/