Është fakt që uji i përbën dy të tretat e peshës së njeriut. Sipas disa hulumtimeve, pa ujë mund të jetoni vetëm pak ditë.
Çdo qelizë dhe organ në trupin e njeriut varet nga uji. Uji ka role shumë të rëndësishme, si p.sh.:
– Rregullon temperaturën e trupit
– Ndihmon që të mbajë balancimin e lëngjeve trupore
– E ndihmon lëkurën tënde të duket e bukur dhe e re
– E ndihmon trupin t’i largojë produktet e panevojshme dhe toksinat etj.
Pa ujë, trupi juaj do të pushonte së funksionuari. Prandaj, është shumë e rëndësishme që ta mbani trupin tuaj të hidruar, e për ta bërë këtë, ju duhet të pini sasi të mjaftueshme të ujit, rreth dy apo tri litra në ditë.
Ndonjëherë, trupi juaj mund të humbë ujë më shumë se zakonisht, gjë që ndodh kur keni aktivitet të shtuar fizik, diabet, urinim të shpeshtë etj. Dhe kësisoj shumë njerëz nuk janë të vetëdijshëm kur trupi i tyre ka nevojë për ujë.
Sidoqoftë, Telegrafi i sjell për ju disa nga shenjat kryesore që tregojnë se trupi juaj ka mbetur pa ujë.
1) Keni dhimbje koke
Kjo është ndër shenjat kryesore që trupi juaj ka mungesë uji dhe kjo ndodh pasi që në mungesë të ujit, fluidet që e rrethojnë trurin tuaj dhe e mbrojnë atë nga përplasjet dhe lëvizjet, pësojnë rënie në nivelet e tyre.
2) Era e keqe e gojës dhe goja e tharë
Për shkak të mungesës së ujit, trupi juaj prodhon më pak pështymë, gjë që përmban veti antibakteriale. Kjo shpie në rritjen e baktereve në gojën tënde dhe shkakton erën e keqe.
3) Urinimi më i rrallë dhe ndryshimi i ngjyrës së urinës
Besojeni apo jo, nëse ju nuk jeni duke e përdorur tualetin çdo pak orë, trupi juaj me siguri që ka mungesë uji. Konsumimi i sasisë së rekomanduar të ujit bën që të urinoni rregullisht, diku rreth katër deri shtatë herë në ditë. Gjithashtu, ngjyra më e pastër e urinës do të thotë se trupi juaj ka mjaftueshëm ujë, përderisa ngjyra e verdhë do të thotë se është koha të konsumoni ujë, transmeton Telegrafi.
4) Dhimbje në muskuj dhe nyje
Uji është komponent vital i nyejve të shëndetshme. Në fakt, nyjat e trupit përmbajnë rreth 80 për qind ujë, prandaj është e domosdoshme të konsumoni mjaftueshëm ujë që të mos ndjeni dhimbje në nyjet dhe muskujt tuaj.
5) Ndjeheni të lodhur dhe të përgjumur
Nëse ndjeheni të lodhur dhe të përgjumur, kjo mund të jetë pasi që trupi juaj ka mungesë të madhe uji. Mungesa e ujit shkakton që shtypja juaj e gjakut të zvogëlohet dhe trupi juaj nuk furnizohet me oksigjen adekuat gjatë ditës, përfshirë trurin. Mungesa e oksigjenit bën që të ndjeheni të përgjumur, të lodhur etj.
6) Rrahje të përshpejtuara të zemrës
Mungesa e ujit shkakton një zvogëlim në volumin e plazmës, duke e bërë gjakun më të trashë. Kjo ndikon në qarkullimin tuaj të gjakut dhe i përshpejton të rrahurat e zemrës. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pse e ecura është më e dobishme se vrapimi për personat që duan të humbasin peshë
Hani çfarë të doni, nuk do të shtoni peshë: Ekziston vetëm një kusht i thjeshtë!
Ilaçi natyral që kuron dhimbjet e nyjave dhe shpinën, pastron gjakun nga helmet!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali
Vjen reagimi i Edon Zhegrovës pas përjashtimit nga kombëtarja e Kosovës
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
Ulje drastike e temperaturave - të martën pritet shi e rrufe
Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë
Balena, miu i ngordhur, macja dhe pëllumbi – historitë se si kafshët janë përdorur për të spiunuar