Ylli i Paris Saint-Germain, Kylian Mbappe thuhet se po përgatitet të transferohet te Real Madridi këtë verë.
Pa kontratë në qershor, Mbappe pritet të largohet nga PSG për tek Real Madrid në fund të sezonit aktual.
Sipas mediumit El Chiringuito, në prapaskenë, nëna e Mbappes tashmë po përgatitet për kalimin e lojtarit për në Spanjë.
Fayza Lamari është në kërkim të një apartamenti në kryeqytetin spanjoll për të shoqëruar djalin e saj gjatë jetës në Madrid.
Sipas gazetarit Juanfe Sanz, nëna e lojtarit do të donte të vendosej në lagjen Moraleja, në veri të Madridit.
Pasi shënoi golin e fitores për PSG-në kundër Real Madridit në ndeshjen e parë të raundit të 16-të të Ligës së Kampionëve këtë javë, Mbappe foli për të ardhmen.
“Unë nuk e kam vendosur për të ardhmen time. Unë luaj për Paris Saint-Germain, një nga klubet më të mira në botë”.
“Jo, nuk kam vendosur, po bëj më të mirën dhe do të shohim se çfarë do të ndodhë sezonin e ardhshëm”, ka thënë Mbappe. /Telegrafi/