Në Sllovaki 59 varre hebraike janë shkatërruar në aktin barbar të antisemitizmit

Vandalët kanë shkatërruar 59 varre hebraike në një varrezë në Sllovaki në një akt barbar të antisemitizmit.

Gurët 200 vjeçar, u shkatërruan në qytetin e Namestovo, tha të martën menaxheri i përgjithshëm i varrezave Karol Kurtulik, transmeton Telegrafi.

“Kur e zbulova këtë, u ndjeva shumë keq. Është një akt barbar”, tha ai, duke paralajmëruar përhapjen në rritje të antisemitizmit përmes ‘lajmeve të rreme dhe teorive të konspiracionit në internet’.

Komuniteti hebre i Sllovakisë e quajti atë akt barbar.

Policia lokale tha se ata kishin filluar një hetim penal për incidentin, i cili shkaktoi dëme të paktën 50 mijë euro.

Kurtulik tha që po bëhen përpjekje për të ndihmuar në mbledhjen e fondeve.

“Shumë vendas, por edhe njerëz nga e gjithë Sllovakia kanë kontaktuar me mua duke ofruar ndihmë”, shtoi ai.

Rreth 105 mijë hebrenj sllovenë, ose 77 për qind e popullsisë hebreje në vend, u vranë gjatë Luftës së Dytë Botërore.

Vetëm rreth 5 mijë hebrenj jetojnë sot në Sllovaki, sipas Unionit Qendror të Komuniteteve Hebraike në Bratislavë.

Kongresi Botëror Hebre, një institucion 84-vjeçar me seli në New York shkroi në Twitter se “Kongresi Botëror Hebre qëndron me komunitetin hebre të Sllovakisë në dënimin e përdhosjes së 60 gurëve të varreve në një varrezë hebreje në Namestovo”.

Varrezat e vjetra ishin lënë pas dore për dekada përpara se organizata të fillonte rinovimin e tyre në 2010.

Varrezat kishin mbijetuar në Luftën e Dytë Botërore, por shumë nga pasardhësit e atyre që u varrosën atje kur vdiqën nga Holokausti. /Telegrafi/