Në oborrin e shtëpisë së re zbuloi një gropë misterioze, pasi u fut brenda e kuptoi se ishte bunker i Luftës së Dytë Botërore (Foto)

Lisa Cramps nga Britania e Madhe është vendosur në shtëpinë e saj të re në qytezën angleze Micheldin, por në oborrin e kësaj shtëpie ka gjetur një gropë misterioze.

Edhe pse ka mundur ta mbulojë, Lisën i kishte interesuar se çfarë fshihej brenda saj, dhe kështu filloi të gërmojë. Por, mbeti e habitur kur zbuloi se ishte një strehimore e Luftës së Dytë Botërore, transmeton Telegrafi.

Historianët lokalë besojnë se kjo strehimore ishte ndërtuar nga një kompani ndërtuese e kësaj zone, kurse kishin vendosur edhe tabela me shenja të aeroplanëve, reflektorë dhe teknologji të avancuar kundërajrore.

Bëhet fjalë për punëtorët e kompanisë “British Acoustic Films” e cila ishte zhvendosur nga Londra në vitin 1941, me qëllim që t’i shmangte bombardimet, kurse lokacioni i tyre i ri gjendej në oborrin e Lisas.

Duket se kjo strehimore ishte ndërtuar për shumë njerëz, pasi është e qartë se nuk bëhet fjalë për strehimore për një familje. Ndërkaq sipas teorisë së dytë, kjo strehimore është përdorur edhe nga ushtarët britanikë.

“E kemi hapur me qëllim që t’i tregojmë gjeneratave të reja se kjo strehimore është pjesë e historisë së këtij vendi”, ka deklaruar Lisa.

“Misioni im është të zbuloi pse kjo strehimore që më shumë i ngjan një bunkeri është hapur këtu. Kjo shtëpi më përpara i përkiste një çifti të moshuar që kishte jetuar gjatë viteve të ’50-ta, por ky bunker është më i vjetër. Djali i tyre si fëmijë ishte futur në këtë bunker së bashku me shokët e tij dhe kishte gjetur një bajonetë (thikë) dhe gjësende tjera nga Lufta e Dytë Botërore”, ka shtuar ajo. /Telegrafi/