Platforma Ndreqe.com, vazhdon të jetë një adresë ku banorët e komunave të ndryshme të Republikës së Kosovës, paraqesin problematikat dhe shqetësimet e tyre për zonat në të cilat ata jetojnë.
Një problematikë e cila është paraqitur së fundmi në këtë platformë është mungesa e ndriçimit publik, në fshatin Raçë të Komunës së Gjakovës, shqetësim ky i cili cilësohet si një mungesë e madhe, veçanërisht gjatë stinëve të ftohta, kur edhe ditët janë më të shkurtra dhe errësohet më shpejtë.
Përveç fshatit Raçë, në këtë zonë gjindet edhe fshati Moglicë, ku edhe banorët e këtij fshati përballen me problemin e njejtë, më saktësisht edhe këtij fshati i mungon ndriçimi publik.
Qytetarët po vazhdojnë të raportojnë në platformën Ndreqe.com për ankesat që kanë, ku më pas po intervenohet edhe nga organet përgjegjëse. /Telegrafi/
