Në Dibër, pas një muaji regjistrohet një rast i ri me COVID-19

Pikërisht një muaj më vonë, dje në Dibër është regjistruar një rast i infektimit me virusin korona. Bëhet fjalë për një banor të Dibrës, i cili ka formë të lehtë të sëmundjes, të konfirmuar nga njësia punuese e Institutit të Shëndetit Publik, i cili me aktivitetin e tij mbulon komunën Qendër Zhupë.

Rasti i fundit u regjistrua më 19 nëntor, një banor i qytetit, i cili u përfshi në listën e të shëruarve më 9 dhjetor.

Që nga fillimi i pandemisë, gjithsej 1.457 persona në të dyja komunat kanë rezultuar pozitivë ndaj virusit korona ku nga ky qytet kanë ndërruar jetë më shumë se 80 persona.

Në ndërkohë, Sektori i Punëve të Brendshme në Dibër ka ngritur kallëzim penal kundër një banori të fshatit Zhitinani komuna e Qendër Zhupës, për mosveprimin e vendimit për izolim të detyrueshëm.

“Për shkak të ekzistimit të bazave të dyshimit për kryerjen e veprës “mosveprim sipas rregullores shëndetësore gjatë kohës së epidemisë”, SPB Dibër ka ngritur kallëzim penal kundër R.GJ (23) nga fshati Zhitineni Komuna Qendër Zhupë. Në një kontroll të bërë më datë 1 të këtij muaji, nëpunësit policorë kanë konstatuar se ai nuk ndodhet në shtëpinë e tij”, njoftoi Stefan Dimoski, zëdhënës i Sektorit për Punë të Brendshme-Ohër.

Nga atje thone se qytetari R.GJ, nuk i është përmbajtur vendimit të Inspektoratit Shtetëror Shëndetësor dhe Sanitar për izolim të detyrueshëm si masë mbrojtëse për parandalimin e përhapjes së virusit korona.