Ndryshim i motit, në fundjavë rikthehet bora

Ditëve në vijim vranësirat do të shtohen, në fundjavë shi dhe borë.

Ditëve të para të muajit shkurt do të kemi ndryshim të kushteve meteorologjike, ku nga Atlantiku një turbullirë do të depërtojë mbi Itali, e ditëve të fundjavës edhe mbi rajonin tonë, që do të sjellë mundësi për reshje shiu dhe bore. Ndërkohë depërtimi i rrymave të ngrohta ajrore nga Mesdheu do të vazhdojë të mbajë temperaturat mbi vlera mesatare.

Sipas Prishtina Weather, sot në vendin tonë pas mëngjesit me mjegull në ultësira, gjatë ditës  do të mbaj mot me vranësira dhe intervale me diell.

Mot i butë, kryesisht me vranësira dhe intervale me diell pritet të mbizotëroj nesër, kurse në mbrëmje vende-vende ka mundësi për reshje të dobëta shiu.

Të shtunën do të mbaj mot kryesisht me vranësira dhe erë, kohë pas kohe me reshje lokale shiu, që më vonë gjatë natës do të shndërrohen në borë, dhe do të vazhdojnë deri të dielën paradite. Të dielën mot i ftohtë, kryesisht me vranësira.

E fillimi i javës së ardhshme pritet të jetë i ftohtë dhe vranësira ku temperaturat do të sillen nga -3 deri në 4C.

Me ndryshimin e kushteve meteorologjike, me afrimin e turbullirës nga Atlantiku, do të kemi qarkullim të mjaftueshëm të ajrit, që do të mundësojë edhe përmirësimin e kualitetit të ajrit dhe rënie të vlerave ditore të indeksit AQI nga të pashëndetshme në mesatare.

Temperaturat e ajrit vazhdojnë të mbeten mbi vlera mesatare. Minimalet do të luhaten nga -1C deri në 3C, e ato maksimale nga 9C deri në 11C. Në ultësira ku mund të ketë mjegull ditën e enjte minimalet mund të zbresin deri në -8C. Era do të fryjë mesatarisht e fuqishme 6-10m/s, me hove deri në 15m/s.

Shtypja atmosferike gradualisht do të zbres nën vlera normale. /Telegrafi/