Policia e stacionit në Ferizaj ka ndaluar shoferin një 19 vjeç, i cili në rrugën "Rexhep Bislimi" ka tejkaluar shpejtësinë e lejuar dhe është ndëshkuar me 300 euro gjobë. Ai po drejtonte një veturë të tipit Golf me targa vendore dhe në një zonë me kufizim shpejtësie prej 40 km/h, ka lëvizur me 92 km/h.
“Për këtë kundërvajtje, policia i ka shqiptuar një gjobë prej 300 eurosh, 3 pikë negative në patentë-shofer dhe masën e pezullimit të lejes së drejtimit për 6 muaj. Policia apelon te të gjithë shoferët që të respektojnë rregullat dhe shenjat e trafikut për sigurinë e tyre dhe pjesëmarrësve tjerë në trafik. Qytetarët mund të raportojnë çdo shkelje të trafikut përmes aplikacionit "Lajmëro Policinë" ose duke kontaktuar numrat e emergjencës: 192, 0290/326-250, 0290/322-406”, thuhet në njoftimin e Policisë në Ferizaj./Telegrafi/
