Më 26 qershor, në Pallatin e Rinisë dhe Sporteve në Prishtinë, zënë vend përballjet finale të grupmoshës nën 14 dhe nën 16-vjeç.
Finalja në kategorinë U14, meshkujt, mes Feronikelit dhe Malishevës, fillon në ora 11:00 dhe hap ditën e finaleve.
Finalistët e grupmoshës U14 femrat përcaktohen të shtunën, më 25.06.2022, në Ferizaj dhe luajnë finalen në ora 12:30.
Sa i përket grupmoshës U16, meshkujt, të dielën me fillim nga ora 13:30 zhvillohet gjysmëfinalja e parë mes Prishtina Vollej M dhe Malishevës, ndërsa Kaçaniku – Vëllaznimi është ndeshja e dytë gjysmëfinale që fillon nga ora 14:30. Finalja luhet me fillim nga ora 18:30.
Në konkurrencën e femrave, Gjinoci – Drita është çifti i parë gjysmëfinal në përballjen që luhet me fillim nga ora 15:30, e përcjell nga gjysmëfinalja e dytë mes Ferizajt dhe Malishevës nga ora 17:00. Finalja luhet me fillim nga ora 20:00.