Mucunski: Fokusi në vitin 2025 do të jetë integrimi evropian i RMV-së, kontributi në NATO dhe partneriteti i fortë me SHBA-në

Ministri i Punëve të Jashtme dhe Tregtisë së Jashtme, Timço Mucunski, në video-urimin e Vitit të Ri thotë se fokusi në vitin 2025 do të jetë integrimi evropian i vendit, kontributi në NATO dhe partneriteti i fortë me SHBA-në.

“Viti i kaluar ishte një kthesë e rëndësishme në nivel shtetëror, vit i ndryshimeve që sollën një përmirësim real të jetës së qytetarëve dhe një pozicionim të suksesshëm të vendit tonë në skenën ndërkombëtare”, thotë Mucunski.

Ai thekson se viti i kaluar ishte i mbushur me sfida, por edhe me suksese të rëndësishme, duke përmendur një numër të madh takimesh dypalëshe, forcimin e reputacionit të shtetit, kontributin aktiv në organizatat ndërkombëtare, zhvillimin e partneriteteve të forta, si dhe kontributin në mbarë botën politikën e paqes dhe sigurisë.

“Duke ndjekur rrugën që hapëm me sukses vitin e kaluar, në vitin 2025 do të vazhdojmë të ndërtojmë partneritete, të kërkojmë zgjidhje për çështjet e hapura përmes dialogut dhe të mbetemi një partner ndërkombëtar i besueshëm me respekt dhe mirëkuptim reciprok. Integrimi evropian mbetet në fokus si dhe kontributi ynë në NATO dhe partneriteti i fortë me SHBA-në”, thotë Mucunski./Telegrafi/