MSH-Maqedoni: 67% e rasteve të reja me Covid-19 janë të pavaksinuar

Ministria e Shëndetësisë publikoi analizën e të vaksinuarve, nga rastet pozitive me Covid-19, në periudhën nga 6 gushti deri më 30 dhjetor.

Sipas tyre, të vaksinuar konsiderohen personat që janë vaksinuar me dy doza dhe kanë kaluar të paktën 14 ditë nga marrja e dozës së dytë të vaksinës.

Në periudhën 06.08-30.12.2021 në territorin e vendit rezultuan pozitivë nga të testuarit me coronavirus 69.242 qytetarë, nga të cilët 33% ishin të vaksinuar plotësisht, pra 22.996 persona.

Ka një numër të madh të qytetarëve të pavaksinuar që janë infektuar me Covid-19. Sipas statistikave të javëve të fundit, 46.246 qytetarë, pra 67% e të infektuarve pozitivë me Covid-19 nuk janë vaksinuar.

Vdekshmëria te të pavaksinuarit është drastikisht më e lartë, tregon analiza.

Në periudhën 6.08-30.12.2021 në territorin e vendit kanë vdekur 2.447 persona me coronavirus, 1.913 pacientë të të ndjerit nuk janë vaksinuar, ndërsa vetëm 22% kanë marrë vaksinën. Sipas analizave, viktimat kishin disa sëmundje kronike të kombinuara.

Pacientët janë vaksinuar me të gjitha llojet e vaksinave që kemi në dispozicion, si dhe pacientët që janë vaksinuar jashtë vendit me vaksinat Moderna dhe Johnson./Telegrafi/