Mrekullia e 15-të nga Boston Celtics, triumfojnë edhe Warriors e Rockets (Video)

Boston Celtics ka vazhduar duke dhuruar spektakël në NBA.

Në përballjen e 17-të në këtë edicion, Celtics u takuan me Atalantën ku edhe triumfuan me rezultat 110-99.

Kjo ishte fitorja e 15-të radhazi nga Boston Celtics që kanë pësuar vetëm dy humbje në dy ndeshjet e para.

Kyrie Irving shkëlqeu në këtë mbrëmje me 30 pikë të shënuara, katër kërcime e pesë asistime.

Irving u ndihmua edhe nga Jaylen Brown që shtoi 27 pikë e katër kërcime si dhe Tatum me 14 të tjera e shtatë kërcime.

Te Atalanta paraqitjen më të mirë e kishte gjermani Dennis Schroder me 23 pikë, nëntë asistime e dy kërcime.

Ndeshje spektakolare ka qenë edhe ajo mes Philadelphia 76ers dhe Golden State Warriors ku kampioni në fuqi në fund triumfoi me rezultat 116:124

Stephen Curry shkëlqeu në këtë ndeshje me 35 pikë, pesë kërcime e pesë asistime, ndërsa u ndihmua edhe nga Kevin Durant me 27 pikë e Klay Thompson që shtoi 17 të tjera.

Ben Simmons me 23 pikë, 12 asistime e tetë kërcime ishte më efikasit tek vendasit ndërsa me lojë të mirë u dallua edhe Joel Embiid me 21 pikë.

Me fitore kanë vazhduar edhe Houston Rockets që kanë mposhtur lehtësisht Memphis Grizzlies 105-83.

Si gjithnjë edhe në këtë takim James Harden ishte më i miri në parket me 29 pikë, shtatë asistime e pesë kërcime.

Paraqitje të mirë pati edhe qendra zvicerane Clint Capela me 17 pikë e 13 kërcime si dhe Chris Paul me 17 pikë e gjashtë asistime. /Telegrafi/

Rezultatet e mbrëmjes në NBA:

Charlotte Hornets – Los Angeles Clippers 102:87

https://www.youtube.com/watch?v=H245A1O_0LI

Orlando Magic – Utah Jazz 85:125

https://www.youtube.com/watch?v=PdWryUGGNCU

Atlanta Hawks – Boston Celtics 99:110

https://www.youtube.com/watch?v=nVAjY6pQZFo

Philadelphia 76ers – Golden State Warriors 116:124

Memphis Grizzlies – Houston Rockets 83:105

https://www.youtube.com/watch?v=v4dX7MIGd0U

Dallas Mavericks – Milwaukee Bucks 111:79

https://www.youtube.com/watch?v=YO8zvuawAAU

Portland Trail Blazers – Sacramento Kings 102:90