Motoçiklisti 14-vjeçar Hugo Millan humb jetën tragjikisht

Motoçiklisti i ri spanjoll, Hugo Millan, ka humbur jetën gjatë një gare për të rinj në pistën Motorland Aragon pranë Alcaniz, njoftoi Federata Ndërkombëtare e Motoçiklistëve (FIM).

“Me trishtim të madh ne shpallim vdekjen e shoferit Hugo Millan gjatë një aksidenti të Kupës Evropiane të Talenteve në pistën Motorland Aragon”, thuhet në njoftim, transmeton KP.

Spanjolli u rrëzua në xhiron e 13-të të garës dhe pas rënies, një motor e përplasi duke e goditur në kokë dhe qafë.

DEP Hugo Millán 🙏🏻😔 Mi más sincero pésame a su familia, amigos y equipo. pic.twitter.com/5Vw5ijSCgi

— Marc Márquez (@marcmarquez93) July 25, 2021

Gara u ndërpre menjëherë dhe i riu u transferua në një spital aty pranë. Përkundër përpjekjeve më të mira të stafit mjekësor, u njoftua se ai iu kishte nënshtruar plagëve të tij.

Kupa Evropiane e Talenteve është një nga kategoritë e kampionatit ndërkombëtar për motoçiklistët e rinj, e cila u lejon atyre të përparojnë drejt hyrjes në rrethin profesional.

Millan ka fituar katër podiume këtë sezon dhe dy herë ka arritur pozitën fillestare dhe ishte i dyti në kategorinë e tij.

Kjo është vdekja e dytë në botën e motoçiklizmit në muajt e fundit pasi 19-vjeçari zviceran Jason Dupasquier u plagos për vdekje në Moto3 GP të Italisë në maj të këtij viti.