“Mos ejani përsëri”, Guardiola humbet durimin dhe e tepron ndaj tifozëve që kërkonin autograf

Një video e trajnerit Pep Guardiola në një debat me tifozët që po kërkonin autografin e tij është zbuluar dhe është bërë virale ne rrjetet sociale.

Pasi ka punuar në disa prej klubeve më të suksesshme në botë dhe ka fituar plotë 40 trofe si trajner, Guardiola është padyshim një prej emrave më të mëdhenj në futboll.

Në këtë mënyrë, nuk është befasi që tifozët e Manchester Cityt, Barcelonës, Bayern Munich apo edhe rivalët, kërkojnë të shfrytëzojnë një mundësi për ta takuar atë dhe për të marrë një autograf.

Sidoqoftë, një video që është publikuar në rrjetet sociale tregon se Guardiola nuk është gjithmonë i lumtur për të dhuruar autografe në drejtim të tifozëve të tij.

“Mos ejani përsëri, po ju them sërish, i njoh fytyrat e juaja. Shkoni në shkollë dhe përgatiteni veten djema. Ju jeni djelmosha të rinj dhe mos ejani këtu, duke humbur kohën”.

“A dëshironi ta jetoni jetën tuaj duke bërë këtë, sinqerisht? Cilat janë ëndrrat tuaja? Më tregoni, cilat janë ato? Çfarë ëndërron ti miku im? Praktikë, praktikë, praktikë”, ishin fjalët e Guardiolës.

Pep Guardiola having a pop at autograph hunters. 😂😂

He’s absolutely spot on by the way. 👏 pic.twitter.com/MKgekEfiIQ

— Football Tweet ⚽ (@Football__Tweet) January 12, 2025

Pasi këto pamje u bën virale në internet, u zbulua se tifozët që kërkonin autografe kishin pritur në hapësirat e parkingut ku Guardiola e kishte veturën e tij, duke ia ndaluar atij që të futet në veturë për të shkuar në stërvitje.

Kjo ka bërë që tekniku spanjoll të irritohet me tifozët në fjalë, megjithatë, reagimi i tij mund të konsiderohet paksa i tepruar./Telegrafi/