Morina kërkon trofe me Prishtinën

Sigal Prishtina ka nisur muaj më parë përgatijet për edicionin e ri. Kryqytetasit qëndruan për disa ditë në Ohër për të marrë më pas rrugën për në Bullgari.

Basketbollisti kosovar Gëzim Morina në një prononcim për GazetaOlle.com ka treguar atmosferën në Ohër dhe qëndrimin në Bullgari.

“Për momentin jemi me ekipin në Bullagri kjo është pjesa e dytë e udhëtimit tonë pasi që thuajse një javë kemi kaluar në Ohër, aty kishim kryesisht stërvitje dhe punuam intensivisht në aspektin taktik dhe mënyrë se si do të luajmë këtë sezon, kure tani në Bullgari kryesisht do të luajmë ndeshje kontrolluese.

Këto ndeshje janë mjaft të mira për ne pasi që do të shohim se ku jemi cilat gjëra shkojnë mirë e në cilat duhet të punojmë edhe më shumë kjo do të jetë një përvojë e mirë për ne.Gjëja më e rëndësishme sipas meje është se gjatë këtyre përgatitjeve kemi pasur rastin që të kalojmë më shumë kohë së bashku si ekip dhe të njihemi më mirë me njëri tjetërin”, theksoi Morina.

Morina ka folur edhe për ndeshjen e SuperKupës duke treguar synimet që ka për këtë ndeshje.

“Sa i përket ndeshjës së SupërKupës është ndeshja e parë zyratre për ne. Besoj që si unë ashtu edhe bashkëlojtarët e mijë së bashku me tifozët tanë të zjarrt Plisat jemi duke e pritur me padurim këtë ndeshje. Peja ka një ekip cilësor dhe padyshim që do të jetë ndeshje e fort. Ambicet tona për këtë ndeshja janë të qarta dhe synimi është fitorja e trofeut të parë këtë edicion”, përfundoi Morina.