Një lojtar brazilian me emrin Marinho shpiku një ‘simulim të ri’ për të fituar një penallti për Santos mbrëmjen e së mërkurës në ndeshjen ndaj Red Bull Bragantino.
Santos, klub i cili ka qenë në mes të një lufte për rënie nga kategoria elitare e Brazilit mori një fitore të madhe me rezultat 2-0 ndaj Bragantinos.
Marinho shënoi golin e parë në minutën e 28-të, por kontributi i tij më i madh erdhi në fund të ndeshjes për të vulosur fitoren.
Numri 11 i Santosit arriti ta nxjerr njërën nga penalltitë më absurde në historinë e futbollit apo thënë më mirë arriti ta ‘vjedh’ penalltinë.
Ndoshta do të ishte një penallti gjithsesi për shkak të kontaktit minimal, por 28-vjeçari ndjeu se duhej ta ekzagjeronte rënien.
Kështu, ai bëri një salto spektakolare në zonën e rreptësisë dhe ishte i suksesshëm duke arritur ta fitojë penalltinë.
Mesfushori uruguaian Carlos Sanchez ishte i saktë duke shënuar për 2-0 dhe duke vulosur fitoren dhe tri pikët jetike.
Pas fitores, Santosi tani është ngjitur në vendin e 13-të në Superligën e Brazilit dhe është pesë pikë përpara zonës së rënies pas 38 ndeshjeve.
Ndërkohë, Marinho mund të ketë një të ardhme në gjimnastikë duke pasur parasysh akrobacitë e tij të mrekullueshme. /Telegrafi/
