Modric e qortoi dhe i bërtiti Viniciusit pas golit të Griezmannit

Luka Modric ka luajtur rolin e kapitenit duke e qortuar brazilianin e ri Vinicius Junior pas një gabimi tek goli i pranuar nga Antoine Griezmann.

Real Madridi arriti të fitojë derbin e zjarrtë lokal ndaj Atletico Madridit me rezultat 3-1 në Wanda Metropolitano.

Megjithatë, loja ishte shumë e shpejt, e ashpër dhe nuk lejohej asnjë gabim pasi skuadrat do të ndëshkoheshin shpejt.

Lexo po ashtu Madridi është i tyre, Mbretërit sundojnë edhe në Wanda Metropolitano  

Kështu, ndodhi edhe tek goli i pranuar nga Real Madridi, ku shënues ishte francezi Griezmann për barazimin 1-1.

Ishte talenti brazilian, Vinicius, i cili humbi topin tek goli i francezit dhe ai mori një qortim të shpejtë dhe të furishëm nga kroati Modric.

Modric ishte dukshëm i mërzitur nga goli dhe u përpoq që brazilianit t’i bërtiste nga një distancë dhe t’i tregonte qartë se ai do të ishte shumë më i shpejtë në lëvizjen e topit dhe nuk duhet ta mbante aq shumë në këmbë.

Ndërsa të gjithë sytë ishin tek gjyqtari duke e konsultuar VAR-in nëse goli është i rregullt, Vinicius duroi një qortim nga numri 10 për më shumë se dy minuta.

Lexo po ashtu Atletico Madrid 1-3 Real Madrid, notat e lojtarëve

Braziliani mori kritikat të shumta dhe Karim Benzema shpejt iu afrua Modricit për ta qetësuar dhe i thoshte se i riu kishte marrë kritika të mjaftueshme.

Modric u kthye dhe vazhdoi duke treguar zemërimin e tij, aq më tepër kur goli i Griezmannit u konfirmua si i rregullt. /Telegrafi/