Modeli Metakognitiv Çitaku për Menaxhimin e Projekteve bazohet në neuroshkencë dhe përbëhet nga gjashtë hapa për t’u ndjekur me qëllim zbatimin e suksesshëm të një projekti
Prof. Dr. Fadil Tafil Çitaku, PhD 1,2Academy of Leadership Sciences Switzerland, Zürich, SwitzerlandInstituti për Avancim Kombëtar, Prishtinë, Kosovëfadil.citaku@alss-edu.ch
Ky model është zhvilluar nga Prof. Dr. Fadil Çitaku dhe integron përvojën e tij të gjërë në neuroshkencë, edukim dhe menaxhim projektesh. Ai përfshin njohuritë më të fundit të bazuara në prova nga neuroshkenca dhe përvojën e tij në mësimdhënje në arsimin e lartë në Zvicër dhe jashtë saj.
Qëllimi i modelit është të përmirësojë efektivitetin e menaxhimit të projekteve duke integruar njohuritë nga anatomia dhe fiziologjia e trurit, neurolidershipi, inteligjenca emocionale dhe metakognicioni.
Hapat e Modelit Metakognitiv të Çitakut
Hapi i parë: Identifikimi i problemit dhe vlerësimi i nevojave të përgjithshme
Identifikimi i problemit
• Identifikoni problemet kyçe në fushën tuaj me metodën “brainstorming”.
• Zgjidhni tre probleme kryesore dhe justifikoni prioritetin e tyre.
• Zgjidhni problemin më të rëndësishëm për t’u trajtuar së pari.
Vlerësimi i nevojave të përgjithshme
• Çfarë po bëhet aktualisht për zgjidhjen e problemit?
• Cila do të ishte qasja ideale për zgjidhjen e tij?
Hapi i dytë: Vlerësimi i nevojave bazuar në qëllim
Identifikimi i audiencës së synuar
• Kush janë individët e prekur?
• Çfarë trajnimi/eksperience kanë?
• A është zbatuar ndonjë plan trajnimi?
• Cilat janë aftësitë dhe boshllëqet e tyre?
• Si preferojnë të mësojnë?
Identifikimi i mjedisit të synuar
• Faktorët mbështetës dhe pengesat e mundshme.
• Aktorët e përfshirë dhe ndikimi i politikave/institucioneve.
Hapi i tretë: Qëllimet (Qëllimi global dhe qëllimet specifike)
• Formuloni një qëllim global lidhur me problemin.
• Vendosni 4 masa konkrete për arritjen e tij.
• Formuloni 4-5 qëllime specifike afatshkurtra sipas formulës SMART me masa të përcaktuara.
• Formuloni qëllime specifike afatgjata sipas SMART dhe masa për arritjen e tyre.
Hapi i katërt: Strategjitë e njohurisë
• Formuloni përmbajtjen tematike për audiencën.
• Identifikoni metodat edukative më të përshtatshme për përvetësimin efektiv të njohurive.
Hapi i pestë: Zbatimi i strategjisë
• Hapat konkretë për sigurimin e mbështetjes politike.
• Plani për burimet njerëzore dhe financiare.
• Identifikimi i pengesave dhe plani për tejkalimin e tyre.
• Plani i menaxhimit të projektit.
• Aktivitetet për ruajtjen dhe sigurimin e suksesit pas zbatimit.
Hapi i gjashtë: Vlerësimi
• Identifikimi i përdoruesve përfundimtarë të projektit.
• Burimet për vlerësimin.
• Pesë pyetje dhe tema kryesore për vlerësim.
• Zgjedhja e metodave matëse (vlefshmëri dhe besueshmëri).
• Trajtimi i aspekteve etike në matje.
• Mblidhja, analiza dhe raportimi i të dhënave.
Rreth Profesor Çitakut
Profesori Çitaku ka dekada përvojë në mësimdhënjë të anatomisë dhe fiziologjisë së trurit në arsimin e lartë në Zvicër. Ai gjithashtu ligjëron kurse mbi neurolidershipin dhe inteligjencën emocionale në nivel master dhe doktorature në Zvicër, Kanada dhe SHBA. Profesor Çitaku është themelues dhe bashkëthemelues i disa instituteve, duke përfshirë:
• Akademinë e Shkencave të Lidershipit në Zvicër
• Qendrën për Trajnim në Anestezi dhe Emergjencë në Spitalin Rheinfelden, Zvicër
• Institutin për Lidership, Inovacion dhe Cilësi në Emiratet e Bashkuara Arabe dhe Zvicër
• Institutin për Avancim Kombëtar, Prishtinë, Kosovë
/Telegrafi/
