Lajme Maqedonia e Veriut

MMJHP fton institucionet të zbatojnë detyrimet për të ulur ndotjen e ajrit

Para 2 muajve

Ministria e Mjedisit Jetësor dhe Planifikimit Hapësinor (MMJPH) u bën thirrje të gjitha institucioneve kompetente, komunave dhe Qytetit të Shkupit dhe komunave të Qytetit të kryejnë më intensivisht detyrimet e tyre sipas “Planit të Veprimit për sezonin e ngrohjes 2024-2025″, në kushtet e përqendrimeve të shtuara të grimcave të pezulluara me madhësi deri në 10 mikrometra dhe 2,5 mikrometra për metër kub dhe kushteve të pafavorshme atmosferike që kontribuojnë edhe më tej në rritjen e ndotjes së ajrit të ambientit.

MMJPH përkujton institucionet për masat parandaluese, të cilat me propozim të tyre Qeveria i miratoi për reduktimin e emetimeve nga sektorët e detektuar që kanë kontributin më të madh në rritjen e emetimeve të grimcave të ngurta, dhe rrjedhimisht përqendrimet e larta, të cilat tejkalojnë standardet e përcaktuara.

“Sipas Planit të Veprimit, i përkujtojmë:

– Shërbimet inspektuese komunale që t’i forcojnë inspektimet e jashtëzakonshme në terren për kontrollin e B – lejeve të integruara ekologjike dhe elaborate me kontroll më të fortë, ndëshkime dhe paralajmërime për djegien e naftës, plastikës dhe substancave të tjera të rrezikshme, veçanërisht në shërbimet dhe impiantet e vogla.

– Komunat dhe Qytetin e Shkupit me komunat që në pajtim me nenin 27 të Ligjit për Ajrin e Ambientit dhe “Planit të veprimit për sezonin e ngrohjes 2024-2025” kanë për obligim të përgatisin dhe miratojnë plane veprimi afatshkurtër që do t’iu përgjigjen specifikave të çdo komune/qyteti veç e veç dhe sipas të cilit do të veprojë në kushtet e tejkalimit të pragut të alarmimit.

– Ndërmarrjet publike për higjienë komunale të komunave dhe qytetit të Shkupit për pastrim të rregullt të atmosferës dhe larje të rrugëve dhe trotuareve.

– Inspektoratin Shtetëror për Ndërtimtari dhe Urbanizëm dhe inspektorët kompetent komunal për urbanizëm dhe ndërtimtari të kryejnë kontrolle të jashtëzakonshme të intensifikuara në kantieret e ndërtimit.

– Ministrinë e Punëve të Brendshme, Ministrinë e Ekonomisë dhe Punës dhe Stacionet e Inspektimit Teknik t’i përforcojnë kontrollet jashtëzakonshme në stacionet e kontrollit teknik të automjeteve, me qëllim që të përcaktohet nëse zbatohet matja e shkarkimeve të gazrave të shkarkimit dhe Ministria e Punëve të Brendshme, pra Policia Rrugore, të kryejë kontrolle të jashtëzakonshme për korrektësinë teknike të automjeteve, veçanërisht për ato me naftë dhe automjeteve të paregjistruara dhe heqjen nga qarkullimi i automjeteve të paregjistruara ose emetimeve të të cilave të gazrave të shkarkimit nuk i plotësojnë standardet e përcaktuara

– Qytetarët që ngrohin shtëpitë e tyre me dru zjarri duhet t’i përdorin ato në mënyrë korrekte, të mos përdorin plastikë, gomë, dru të përpunuar dhe materiale të mbetjeve në interes të shëndetit të tyre dhe të tjerëve.

“Ministria e Mjedisit Jetësor, në bashkëpunim me Inspektoratin Shtetëror të Mjedisit, zbaton kontrolle të shtuara dhe të jashtëzakonshme në objektet industriale me A- leje të integruara ekologjike. Cilësia e ajrit monitorohet vazhdimisht dhe publiku informohet rregullisht për situatën dhe masat e rekomanduara mbrojtëse. Sipas Raporteve nga Inspektorati Shtetëror për Mjedis, në territorin e qytetit të Shkupit, të gjitha subjektet i janë nënshtruar kontrolleve të jashtëzakonshme, vazhdojmë me kontrolle të paparalajmëruara te subjektet që janë përgjegjëse për raporte mjedisore”.

“Në fabrikën e çimentos USJE janë kryer dy inspektime të jashtëzakonshme të paparalajmëruara: një pas orës 19:00 dhe një gjatë orarit të punës. Është bërë edhe kontrolli i mbeturinave që hyjnë në fabrikën e çimentos USJE-së. Deri më tani nuk ka devijime në parametrat të cilat janë vendosur në A – lejen.

“Në Strumicë, sipas njoftimeve të marra për tejkalim të pragut të alarmimit, më 02.01.2025 janë kryer kontrolle të jashtëzakonshme në tri subjekte, një subjekt është ngarkuar me aktvendim dhe për dy subjekte të tjera bëhen sot me 08.01.2025”.

“Njoftohet publiku se shumica e objekteve të mëdha që kanë A – leje të integruar ekologjike në territorin e qytetit të Shkupit, dhe për të cilat është përgjegjës Inspektorati Shtetëror i Mjedisit, nuk punojnë ose punojnë me kapacitet të reduktuar. Për momentin janë plotësisht të mbyllura: Makstil SHA, Bauer BG, Gama Gradba – Baza e asfaltit Studeniçan, NP Rrugicat dhe Rrugët, Radkom, Filip inzhinerin, BAZA E asfaltit Agread SHPKNJP Petrovec, Baza e Asfalitit Vato shpk Studeniçan Shkup. Në Fabrikën e Çimentos USJE SHA Shkup punon vetëm një furrë (furra 3), dhe për 20 ditë të dyja nuk do të punojnë për shkak të aktiviteteve të riparimit”, thonë nga MMJPH./Telegrafi/