Mjeku i akuzuar Xheladin Kryeziu përballet me dëshmitë e kolegëve për vdekjen e pacientes

Për dy ditë me radhë ishte e paraparë të zhvillohet procesi gjyqësor ndaj të akuzuarit Xheladin Kryeziu, me profesion  specialist i ortopedisë, pranë Spitalit rajonal në Prizren “Dr. Daut Mustafa”, i cili akuzohet për veprën penale të trajtimit të pandërgjegjshëm mjekësor një paciente me çka ka rezultuar me vdekjen e pacientes më vonë.

Me datën 30 tetor, në shqyrtim dha dëshminë e tij eksperti  Dr. Xhemajl Selmani, i ftuar si dëshmitarë, lidhur me mendimin e tij profesional të dhënë lidhur me rastin për të cilin akuzohet Xheladin Kryeziu.

Fillimisht Dr. Xhemajl Selmani, sqaroi se nga Bordi etiko profesional pranë Ministrisë së Shëndetësisë është caktuar në ekipin e mjekëve për dhënien e mendimit profesional për çështjen e caktuar.

Më tutje deklaroi se “në bazë të dokumentacionit mjekësor që e kanë pasur në shqyrtim për dhënien e mendimit profesional, kemi ardhur në konkluzion se pacientja në fjalë ka vdekur si pasojë e embolisë mushkërore e shkaktuar nga tromboza e venave të thella, të ekstremitetit të poshtëm, e cila se sigurisht do të verifikohej më mirë po të bëhej autopsia”, raporton kallxo.

Sipas mjekut i ftuar si dëshmitar e meta më e madhe e këtij rasti është mungesa e autopsisë, sipas të njëjtit ” ky proces gjyqësor do të zhvillohej drejtë dhe do të mundësohej vendosja e drejtë e kësaj çështje gjyqësore, ky është mendim i imi si mjek dhe si ekspert i kësaj çështje ” deklaroi ai .

Në përfundim të dëshmisë së tij ai shtoi  “në emër të të gjithë kolegëve, kërkoi falje për dështimet e mundshme profesionale dhe familjarëve të rastit u shprehim ngushëllime, por duke ditur se në çfarë kushte punojmë dhe duke ditur presionin të cilin ne e kem për shkak të numrit të vogël të punonjësve shëndetësor në raport me numrin e madh të popullsisë, gabimet dhe dështimet janë të mundshme ”.

Ndërsa me datë 31 tetor ishte e paraparë të paraqitej Dr. Lulzim Vokrri,  i ftuar si kirurg vaskular, gjithashtu për të elaboruar mendimin profesional të dhënë lidhur me këtë çështje, por i njëjti  nuk nuk u paraqit në seancë për shkak të obligimeve dhe detyrave të punës, në QKUK në Prishtinë, pas kontaktit me telefon kryetarja e trupit gjykues Raima Elezi  morri konfirmimin e i njëjti do të paraqitet në seancën e datës 14 nëntor, ku edhe do të jep dëshminë e tij, dhe do ti përgjigjet pyetje të palëve dhe të trupit gjykues.

Sipas aktakuzës së Prokurorisë së shtetit i akuzuari Xheladin Kryeziu ngarkohet me veprën penale të trajtimit të pandërgjegjshëm mjekësor, që ka rezultuar me vdekjen e një personi.

Sipas aktakuzës i akuzuari  në periudhat mars – prill të vitit 2015, në repartin e ortopedisë të spitalit të Prizrenit  “Dr. Daut Mustafa”, në cilësinë të mjekut specialist i ortopedisë, me rastin e dhënies së ndihmës mjekësore, përdor haptas metodën e papërshtatshme mjekësore, dhe nuk përdori masat e përkatëse higjienike, me ç’rast ka shkaktuar keqësimin e gjendjes shëndetësore tek pacientja, tashmë e viktima, e cila pas përkeqësimit të gjendjes, vjen deri tek arresti kardiak, gjendja e të cilës përkeqësohet, si pasojë e përkeqësimit vdes në Spitalin Rajonal të Prizrenit  “Dr. Daut Mustafa”.

Seanca e radhës u caktuar me datë 14 nëntor.