Deputeti i PDK-së, Memli Krasniqi ka reaguar pas publikimit të ofertës së LVV-së që i ka bërë LDK-së për koalicion qeverisës.
Në këtë ofertë përveç rritjes së numrit të ministrive, është paraparë edhe ndarja e Ministrisë së Kulturës, Rinisë dhe Sportit.
Për këtë ka reaguar Krasniqi, i cili ka thënë se mendësia shkatërruese që i ka dalluar në opozitë për vite të tëra, duket se do të jetë mënyra e veprimit të tyre edhe në qeveri.
Në një postim në Facebook, deputeti i PDK-së, ka shkruar se zhbërja e MKRS-së jo vetëm që është e pamenduar mirë, por ka edhe qëllim të keq.
Reagimi i plotë i Memli Krasniqit:
Propozimi për shuarjen e Ministrisë së Kulturës, Rinisë dhe Sportit (MKRS) është jo vetëm i pamenduar mirë, por esencialisht qëllimkeq. Nëse vërtet MKRS copëtohet me këtë stil kasapi, për ta shpërndarë atë nëpër ministri të tjera, vetëm sa për të thënë se po zvogëlohet numri i ministrive, kjo tregon më së miri mendësinë mashtruese të atyre që e kanë propozuar dhe miratuar këtë ide.
Dikasteret e Kulturës, Rinisë, Sportit, Trashëgimisë Kulturore dhe Të Drejtës Autoriale, edhe duke u mbuluar nga një ministri e veçantë, kanë pasur vazhdimisht nevojë për më shumë mbështetje dhe vëmendje nga qeveria. Ne mandatin e fundit, të gjitha këto fusha kanë shënuar përparim dhe suksese. Ndërsa, nëse në mandatin e ardhshëm ato ndahen dhe hidhen një atje, e një diku tjetër, ky do të jetë zhvillimi më negativ që mund të ndodhë për këto fusha, e mbi të gjitha për komunitetet që i përfaqësojnë ato.
Në vitet e fundit, askush nuk na ka përfaqësuar më denjësisht e asgjë nuk na ka bërë më shumë krenarë në Kosovë sesa sukseset e sportistëve dhe artistëve tanë. Në vend se këto suksese të bëhen shkas për t’i mbështetur ata edhe më shumë në mandatin e ri, kjo tentim-qeveri edhe zyrtarisht po dëshiron që t’i margjinalizojë këto komunitete, duke i degdisur ato nëpër ministri të cilat kurrë nuk do të merren seriozisht me nevojat dhe kërkesat e tyre. Sepse, Arsimi e Shëndetësia janë fusha të cilat doemos do ta dominojnë jo vetëm interesimin e atyre që do t’i udhëheqin ato ministri, por edhe identifikimin e tyre dhe vlerësimin se sa të (pa)suksesshëm do të dalin në krye të atyre ministrive.
Nëse vërtet realizohet kjo ide, do të pezullohet një pjesë e madhe e legjislacionit aktual që e zbaton MKRS, e veçanërisht Ligji për Sponsorizime, të cilin, me shumë vështirësi e kundërshtime nga këta që sot po tentojnë ta bëjnë qeverinë e re, e miratuam në mandatin e kaluar. Zhbërja e MKRS-së do ta pamundësojë zbatimin e këtij ligji, duke ua pamundësuar sportistëve, artistëve, të rinjve, klubeve sportive e institucioneve kulturore që të marrin mbështetje financiare nga sektori privat, për çka kanë shumë nevojë dhe kanë punuar e kërkuar me vite të tëra.
Për kulturën, rininë e sportin, së paku paskan diskutuar mbrapsht, por për trashëgiminë kulturore e për të drejtën autoriale as edhe një fjale e vetme. Thua se këto fusha janë aq të parëndësishme, saqë duhet zhdukur tërësisht edhe departamentet ekzistuese në MKRS. Kjo është jo vetëm e dhimbshme, por mbi të gjitha fyese dhe ofenduese. Veçanërisht për ata qindra profesionistë të trashëgimisë kulturore që punojnë në dhjetë institucione vartëse të MKRS-së, për fatin e të cilave tashmë nuk dihet asgjë. Kjo vlen edhe për të gjithë profesionistët e institucioneve të kulturës që janë në kuadër të MKRS-së.
Nuk ma ka marrë mendja se kushdo që pretendon të qeverisë me vendin, do të mund t’i zhbënte me kaq lehtësi këto dikastere kaq të rëndësishme, bile identitare dhe të pazëvendësueshme për një shtet të ri e të brishtë si Kosova. Por, tashmë shihet qartë se mendësia shkatërruese që i ka dalluar në opozitë për vite të tëra, duket se do të jetë mënyra e veprimit të tyre edhe në qeveri, nëse veç arrijnë ta bëjnë atë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Situata e gripit të shpendëve në Shqipëri, Ministria e Bujqësisë mesazh për fermerët e qytetarët
Për 24 orë raportohen dy vdekje, njëri në Prishtinë dhe tjetri në Podujevë – rastet po hetohen
VLEN: Dënojmë provokimet që vështirësojnë dinamizimin e rrugës së Maqedonisë së Veriut drejt BE-së
FSK-ja shkoi në veri të vendit për një varrim, Maqedonci u zotua te KFOR-i se nuk kishte provokim
Si krijohen gurët në dhëmbë dhe a “rrallohen” dhëmbët pas pastrimit te stomatologu?
Çfarë na bën ajri i ndotur?
Zëvendës-sekretari amerikan sot në Kosovë
Vrasja e dyfishtë në Vushtrri, ekspertja thotë se i akuzuari nuk ka vepruar në gjendje të tronditjes së fortë mendore
Zbulohet rrjeti i prostitucionit në Durrës, shpallen në kërkim dy kineze
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Elon Musk nuk është fans i Liverpoolit, por i rivalit të tyre më të madh në Ligën Premier
Trump paralajmëron 'pushtimin' e Grenlandës, vjen reagimi i kryeministrit të ishullit
Zarf i zi në Big Brother VIP Albania 4
Përmasa gjigante: Granit Xhaka në mbështetje të Gjestit
FSK-ja shkoi në veri të vendit për një varrim, Maqedonci u zotua te KFOR-i se nuk kishte provokim
Rina publikon fotografi krah Feros: Akoma s’ka konkurrencë, 2025