Megjithëse ajo pati një paraqitje të shkëlqyer, spektakli “Dancing On Ice” kritikohet që ftuan Rita Orën të performonte

Rita Ora performoi këngën e saj më të re “Bang Bang”, në spektaklin “Dancing on Ice” në ITV të dielën.

Megjithatë, adhuruesit e shfaqjes u lajmëruan menjëherë në Twitter për të kritikuar vendimin e kanalit për të shfaqur yllin – e cila është ende relativisht e përfshirë në një skandal pas festës së saj ilegale të ditëlindjes së 30-të.

Pavarësisht se Rita dhuroi një spektakël të vërtetë me interpretimin e saj, ku u shfaq e veshur me një kostum të kuq për shfaqjen me temë të Shën Valentinit, shumë prej shikuesve nuk ishin të impresionuar me shfaqjen “Dancing On Ice”, shkruan DailyMail.

Kishte gjithashtu një konfuzion duke qenë se Rita është aktualisht në Australi, ndërkohë që “Dancing On Ice” duke qenë një shfaqje e drejtpërdrejtë, drejtuesit e spektaklit, Holly Willoughby dhe Phillip Schofield, e prezantuan këngën sikur të ishte në kohë reale, edhe pse ishte e tëra regjistrim.

Lexo po ashtu Rita Ora më në fund del nga karantina e detyrueshme në Sydney, pas kritikave për shkeljen e udhëzimeve në Mbretërinë e Bashkuar

“Çfarë dreqin ITV, pse po e lejoni Rita Orën në TV? Duke shpërfillur haptazi NHS-në tonë (Shërbimin e Shëndetit Kombëtar), ajo nuk meriton një hapësirë në Dancing on Ice”, shkroi një përdorues i Twitter.

Një tjetër shkroi: “Rita Ora – seriozisht ?! Thyerja e rregullave të izolimit pa pushim, por gjithsesi duke marrë kohë transmetimi?”.

“Dancing On Ice a duhet vërtet ta dëgjonim Rita Orën sonte? COVID-19 po përhapet rreth nesh falë shkelësve të rregullave. ITV nuk duhet ta promovojë këtë”, shkroi një i tretë.

Një tjetër komentues shkroi: “Ç’është më e keqja është se Dancing On Ice dhe ITV e paguan atë për të performuar … kështu ajo pagoi të gjitha gjobat e saj në vlerë 10,000 funte”, duke iu referuar gjobës që Rita pagoi për shkeljen e rregullave.

Disa e mbështetën paraqitjen e Ritës, megjithatë, me një shkrim ku citohej: “Unë nuk po mbroj atë që bëri, nuk ishte e drejtë, por po mbroj të drejtën e saj për të performuar në televizion dhe në të vërtetë të bëj karrierë!”.

“Mendova se Rita ishte e shkëlqyer dhe dukej përrallore. E dua veshjen e saj”, shkroi një fans në mbështetje të yllit shqiptar.

Rita aktualisht ndodhet në Australi, ku do të nis xhirimet e “The Voice of Australia”, pasi është përzgjedhur të jetë anëtare jurie në këtë spektakël. /Telegrafi/