Mediat kroate ngrenë alarmin: Kosova po na e merr mesfushorin e talentuar

Veldin Hodza është një nga talentët më të mëdhenj në Kroaci, por mund të vije te Kosova, pasi mediat kroate shkruajnë se tashmë kanë filluar kontaktet. Mesfushori që aktivizohet te Rijeka dhe është pjesë e Kroacisë U21.

Mediumi kroat Germanijak ka raportuar se Veldin Hodza tanimë është kontaktuar nga Federata e Futbollit të Kosovës dhe ai po e shqyrton mundësinë që ta vesh fanellën dardane, pasi ka prejardhje shqiptare.

21-vjeçari është një nga mesfushorët defensivë më të mirë në kampionatin kroat derisa ka një vlerë prej 3 milionë eurove në tregun e transferimeve.

“Mund të konfirmoj se kanë kontaktuar me Hodzan nga Kosova, por nuk mund të them asgjë më shumë se kaq”, ka thënë Danko Gjikic, agjenti i mesfushorit kroat.

Hodza ka dalë nga Akademia e Rijekës, derisa ka zhvilluar 11 ndeshje për Kroacinë U21.

Lexo po ashtu Të gjitha lajmet nga Përfaqësuesja e Kosovës

Ai këtë edicion ka zhvilluar 16 ndeshje në të gjitha garat për Rijekën ku ka realizuar edhe një gol.

Kosova ka kohë që vuan për cilësi në mesfushë dhe nga shumë njohës konsiderohet si pika më e dobët e ekipi. /Telegrafi/