MBP ngrit padi penale ndaj katër të punësuarve në Komunën e Prilepit

MPB njofton se ka ngritur padi penale kundër katër personave të punësuar në Komunën e Prilepit, kundër menaxherit të “Pelagonija Tours” nga Prilepi dhe një topografi të autorizuar i punësuar në GPS “Premer” DOOEL Prilep për keqpërdorim të pozitës zyrtare, me çka ka dëmtuar buxhetin e Maqedonisë për 7.995.000 denarë.

Paditë penale janë ngritur kundër I.K (61) i punësuar si udhëheqës i sektorit për urbanizëm në Komunën e Prilepit, I.Ç (66) gjithashtu i punësuar në sektorin e urbanizmit, K.B (60) anëtar në Komisionin për vërtetimin e gjendjes faktike gjatë procedurës së legalizimit, B.V (62) gjithashtu anëtar në Komisionin për vërtetimin e gjendjes faktike, S.K menaxher i “Pelagonija Tours” dhe P.I (50) topograf i autorizuar u punësuar në GPS “Premer” në Prilep, përcjell Telegrafi Maqedoni.

“I.K më 25 gusht 2011 deri 22 nëntor 2013, në marrëveshje me të paditurit tjerë kanë marrë veprime, që çdo njëri në kuadër të kompetencave të veta të legalizojnë objekt afarist, i cili sipas ligjit nuk ka qenë e mundur të legalizohet. Në këtë mënyrë në kundërshtim me ligjin, ata kanë mundësuar personit juridik të “Pelagonija Tours” të jetë pronar i objektit afarist në rrugën “Marshall Tito”, i cili ndodhet në katin përdhesë të një ndërtese banimi në Prilep dhe kanë dëmtuar buxhetin e shtetit për 7.995.000 denarë”, thuhet në njoftimin e policisë./Telegrafi/