I mbijetuan zjarrit, tani po i kërcënon diçka tjetër – qytetarët e Kalifornisë po rrezikohen nga ajri i ndotur (Foto/Video)

Cilësia e ajrit në pjesën veriore të Kalifornisë po konsiderohet si më e pashëndetshmja në botë, pas zjarrit që e ka kapluar këtë vend dhe ka shkaktuar dhjetëra viktima dhe dëme të mëdha materiale.

Siç raporton BBC, këto të dhëna janë bërë publike nga institucionet që analizojnë cilësinë e ajrit, transmeton Telegrafi.

Organizata “Purple Air” që analizon të dhënat për cilësinë e ajrit në zona të caktuara, ka njoftuar sot se situata në Kaliforni tani është më e keqe sesa në qytetet e mbuluara nga tymi në Kinë dhe Indi.

Shkollat në Kaliforni kanë ndërprerë përkohësisht punën, derisa fluturimet e aeroplanëve po vonohen ose në disa raste edhe po shtyhen.

Ndërkaq është duke u rritur numri i qytetarëve, që në internet janë duke pyetur se ku munden të blenë maska për t’u mbrojtur nga tymi dhe ajri i ndotur.

Ueb-faqja Ernau ka njoftuar se si ajri në qytetet San Francisco dhe Oakland është shumë i keq, që do të thotë se qytetarët e këtij rajoni mund të kenë pasoja serioze shëndetësore e në veçanti në sistemin respirator.

According to air quality monitoring network Purple Air, Northern California’s air quality is currently the worst in the world.

Google says searches for smoke masks are at the highest level in company history. pic.twitter.com/DZ4Dd83XHA

— scott budman (@scottbudman) November 15, 2018

Rreth El Grow dhe Sacramento ajri është i “rrezikshëm” dhe sigurisht se qytetarët do të kenë pasoja gjatë frymëmarrjes, thuhet ndër tjera në këtë ueb-faqe.

Një gazetar i “San Francisco Chronicle”, ka deklaruar se thithja e ajrit në San Francisco është njëjtë sikurse nëse i tymosni dhjetëra cigare. Në qytezën “Paradise” që është shkatërruar nga zjarri, ajri është ekuivalent me tymosjen e 22 cigareve. /Telegrafi/