Mbi 140 persona digjen për së gjalli në Nigeri pas shpërthimit të një cisternë me naftë

Më shumë se 140 persona, përfshirë fëmijë, mbetën të vdekur në Nigeri kur një cisternë e përmbysur me karburant shpërtheu në flakë gjersa ata përpiqeshin të ‘vidhnin’ karburantin.

Aksidentet vdekjeprurëse me cisterna janë të zakonshme në Nigeri, vendi më i populluar i Afrikës, i cili nuk ka një sistem të efektshëm hekurudhor për transportin e mallrave.

Njerëzit shpesh mbledhin karburant me gota dhe kova – veçanërisht për shkak të çmimeve të larta të karburantit, të cilat janë trefishuar që kur qeveria përfundoi subvencionet e kushtueshme për gazin vitin e kaluar.

Aksidenti i fundit ndodhi në mesnatë në qytetin Majiya të shtetit verior Jigawa kur shoferi i cisternës humbi kontrollin në një autostradë, tha zëdhënësi i policisë, Lawan Adam. Banorët nxituan në vendngjarje para se të shpërthente “flaka masive”.

More than 140 people have been killed in a gasoline truck explosion in Nigeria

A gas tanker truck was involved in an accident in Jigawa state and exploded. pic.twitter.com/fLuFNsFaAv

— NEXTA (@nexta_tv) October 16, 2024

Shumica e trupave ishin të panjohshëm, thanë shërbimet emergjente, shkruan ap.

“Afërsisht 140 persona u varrosën në një varr masiv, përveç atyre të varrosur në vende të tjera”, tha kreu i Agjencisë Kombëtare të Menaxhimit të Emergjencave në rajon, Nura Abdullahi, për Associated Press.

Shumica e viktimave të tjera u “dogjën gjer në hi” në vendngjarje, tha Dr. Haruna Mairiga, kreu i shërbimeve emergjente në Jigawa.

Ndryshe, të paktën 48 persona mbetën të vdekur në muajin shtator kur një cisternë karburanti u përplas me një kamion tjetër në veri të vendit. /Telegrafi/