LAJMI I FUNDIT:

​Mbi 13 mijë gra aplikojnë për mbështetje financiare për shtesa të fëmijëve

​Mbi 13 mijë gra aplikojnë për mbështetje financiare për shtesa të fëmijëve

Ushtruesja e detyrës së shefes së grupit parlamentar të Lëvizjes Vetëvendosje, Mimoza Kusari-Lila, në seancën e parë të Kuvendit në sesionin vjeshtor ka bërë thirrje që legjislativi mos të bëhet arenë e përplasjeve dhe promovimit të kandidatëve për zgjedhje lokale.

Në foltoren e Kuvendit, Kusari-Lila, gjithashtu tha se mbi 13 mijë gra kanë aplikuar për mbështetje financiare të masave qeveritare, derisa edhe bëri thirrje për vaksinim të qytetarëve.

“Uroj që ky parlament mos të bëhet arenë e përplasjeve dhe promovimeve për zgjedhje lokale. Pushtetet janë të ndara jemi legjislativ, iu uroj punë të mbarë të gjithëve”, tha Kusari-Lila.


Si mbështetje ndaj grave dhe vajzave, ajo e përmendi masat e reja qeveritare në kuadër të Pakos për Ringjallje Ekonomike.

“Interesimi i nënave dhe familjeve për shtesat është i madh, vetëm në javën e parë pas njoftimit dhe fillimit të aplikimit prej të hënës deri të premten, aplikimet janë 13 mijë e 180, prej tyre 1501 mbështetje për gra lehona dhe 11679 shtesa për fëmijë. Qeveria sapo iu bëri thirrje grave dhe vajzave për aplikime në ndërmarrjet e bordeve publike, ndërsa ato vajza dhe gra që studiojnë dhe mendojnë për punësim nuk janë vetëm. Shumë shpejtë do të publikohet vendimi për vajzat dhe gratë për punësim dhe ndihmë për vetëpunësim”, shtoi ai.

Krahas këtyre, Kusari-Lila i bëri thirrje qytetarëve për vaksinim.

“Duhet të kemi të qartë se normalizimi nuk mund të arrihet nëse nuk e kalojmë 60 përqind të vaksinuar me dy doza të vaksinës. Andaj e domosdoshme dhe e pa alternativë për tejkalimin e krizës mbetet vaksinimi dhe vetëm vaksinimi. Të gjithë mund të bënim më shumë për të parandaluar atë se çfarë u ballafaquam në javët dhe muajt e shkuar. Më e madhe sfida, më i madh duhet të jetë mobilizimi ynë për të tejkaluar vështirësitë që ballafaqohemi”, tha Kusari-Lila.

Seanca e Kuvendit po vazhdon punimet me deklarimet e deputetëve të tjerë jashtë rendit të ditës. /Telegrafi/

Në trend Ekonomi

Më shumë
​Qytetarët thonë se ndihen të mashtruar nga 'marketet' për mosvendosjen e ekraneve nga ana e konsumatorëve

​Qytetarët thonë se ndihen të mashtruar nga 'marketet' për mosvendosjen e ekraneve nga ana e konsumatorëve

Ekonomi
Hapni dyert e mundësive: Ftohen bizneset kosovare të marrin pjesë në eventin me eksportuesit turq të sektorit hekur-çelik

Hapni dyert e mundësive: Ftohen bizneset kosovare të marrin pjesë në eventin me eksportuesit turq të sektorit hekur-çelik

Ekonomi
Investimi i ëndrrave tuaja - Jetesa luksoze në Holiday In 2

Investimi i ëndrrave tuaja - Jetesa luksoze në Holiday In 2

Ekonomi
Panelet solare, një investim i sigurt për të ardhmen e energjisë së pastër dhe ambient të gjelbër

Panelet solare, një investim i sigurt për të ardhmen e energjisë së pastër dhe ambient të gjelbër

Ekonomi
Sa fiton në një sekondë Musk: Vetëm te Tesla shuma është magjepsëse

Sa fiton në një sekondë Musk: Vetëm te Tesla shuma është magjepsëse

POLI, sallama që dallohet prej tjerave – nga mishi i pastër i pulës, me më pak ruajtës

POLI, sallama që dallohet prej tjerave – nga mishi i pastër i pulës, me më pak ruajtës

Ekonomi
Kalo në kategori