Ky mbrojtës telefoni si lëkurë njeriu është një kujtesë për t'u mbrojtur nga dielli.
Marc Teyssier është bashkuar me Virgin Media O2 për të krijuar Skincase – që duket, ndihet dhe digjet njësoj si lëkura e njeriut.
Teyssier u frymëzua për të krijuar mbrojtësin pasi hulumtimi zbuloi se njerëzit shpesh harrojnë të aplikojnë krem dielli, përcjell Telegrafi.
Kështu, ndërsa mbulesa e telefonit fillon të digjet në kohë reale, ajo shërben si një kujtesë për të hedhur pak krem mbrojtës nga dielli.
Sado e frikshme dhe realiste që mund të duket, Teyssier këmbëngul se është sintetike.
Krijuesi kombinoi silikonin me elementë reaktivë ndaj rrezeve UV për të replikuar ndjesinë shumë të njohur.
Ai gjithashtu përdori teknika të printimit 3D dhe skulpturës me dorë, dhe gdhendi individualisht rrudhat në epidermën e projektuar.
Skincase u krijua në tre nuanca të ndryshme lëkure, dhe secila reagon ndaj rrezeve UV duke ndryshuar ngjyrat, njësoj si lëkura e vërtetë. /Telegrafi/
