Në Holon të Izraelit është nënshkruar një Marrëveshje Mirëkuptimi mes Qendrës së Inovacionit në Kosovë dhe “Holon Institute of Technology” (HIT)
Nën kujdesin e Ambasadës së Republikës së Kosovës në Jerusalem dhe ambasadores Ines Demiri, në Holon të Izraelit, u shënua kapitulli i radhës i bashkëpunimit Kosovë-Izrael.
Marrëveshjen e nënshkruan drejtori ekzekutiv i Qendrës së Inovacionit në Kosovë (ICK), Uranik Begu, dhe Presidenti i “Holon Institute of Technology” (HIT), Prof. Eduard Yakubov.
“Të pranishëm në këtë ngjarje ishin edhe Dr.Refael Berkan, zëvendëspresident për Inovacion, Sipërmarrësi dhe Ndërkombëtarizim, njëherësh themelues i programit “Teknologjitë Dixhitale në Mjekësi”, Samuel Goldberg, kryeshef ekzekutiv pranë HIT, Taly Malach Banaim, themeluese dhe drejtuese e Qendrës së Sipërmarrjes dhe Inovacionit në HIT, Tony Levy, zyrtare për Marrëdhënie me Jashtë dhe Mbështetje për Hulumtime dhe Inovacion në Zyrën e Presidentit të HIT”, njofton ambasada e Kosovës në Izrael. /Telegrafi/
