Mariçiq: Për herë të parë është në dorën tonë nëse do të ndalemi apo do të vazhdojmë drejt BE-së

Për herë të parë në historinë e integrimit tonë evropian, qasja ndaj BE-së është vetëm në dorën tonë dhe nga ne varet nëse deri në fund të vitit të ardhshëm do të përmbushim detyrimin tonë me procesin e ndryshimeve kushtetuese apo do të bllokojmë procesi integrues, tha zv. kryeministri për Çështjet Evropiane, Bojan Mariçiq.

“Për herë të parë është në dorën tonë nëse do të ndalemi apo do të vazhdojmë. Mendoj se kemi mjaft argumente, kemi një atmosferë të mirë, hapësirë ​​të mjaftueshme, që në periudhën e ardhshme të ulemi në tryezë dhe të bisedojmë me të gjitha partitë, me të gjithë deputetët, që mund të mbështesin ndryshimet kushtetuese, të cilat në përmbajtjen e tyre janë shumë më pak e diskutueshme se ato, le të themi, me Marrëveshjen e Prespës.

Pastaj patëm ndryshime thelbësore që ishin vërtet të vështira për t’u shpjeguar, pranuar dhe zbatuar.

Tani kemi, për mendimin tim, një gjest simbolik të përfshirjes së bullgarëve, kroatëve dhe malazezëve në një varg komunitetesh që i kemi prej më shumë se 20 vitesh”, tha Mariçiq për “Studio 10”.

Mariçiq theksoi se beson se mund të gjendet një zgjidhje, veçanërisht pasi tashmë kemi parë që Bashkimi Evropian përmbush pjesën e tij të detyrimeve, duke shtuar se me përfshirjen e bullgarëve, kroatëve dhe malazezëve në Kushtetutë, konkluzionet e Këshillit të BE-së e thonë qartë automatikisht, pa vendim të ri dhe pa vonesë, thirret seanca e radhës Ndërqeveritare, pra shkojmë një hap përpara./Telegrafi/