Mariçiq: Me negociatat për anëtarësim po hapim tregun e brendshëm të BE-së për kompanitë e vendit

Zv. kryeministri për Çështjet Evropiane, Bojan Mariçiq, hapi sot skriningun dypalësh për Kapitullin 7, “Të drejtat e pronësisë intelektuale”, ku theksoi se krijimi i një mjedisi të favorshëm për të bërë biznes në tregun e brendshëm është synimi kryesor i rregullatorëve të BE-së që ne zbatojmë në fushën e të drejtave të pronësisë intelektuale.

“Negociatat me BE-në sjellin mbrojtje më të mirë të konsumatorëve, brendim dhe pozicionim më të mirë të kompanive vendore në tregun e brendshëm të BE-së”, tha Mariçiq, duke shtuar se kjo është e rëndësishme për ndërmarrjet tona të vogla dhe të mesme, por edhe për njerëzit në gjeneral që merret me art dhe inovacion.

Mariçiq u shprehu përfaqësuesve të Komisionit Evropian shpresën se deri në fund të këtij viti do të mbajmë Konferencën e dytë Ndërqeveritare dhe do të hapim kapitullin “Vlerat Themelore”, me qëllim për të avancuar procesin.

Ai theksoi rëndësinë e harmonizimit të mëtejshëm të legjislacionit tonë në fushën e pronësisë intelektuale dhe tregoi se Qeveria po punon me përkushtim në zhvillimin e Strategjisë së Pronësisë Intelektuale në kuadër të Strategjisë Kombëtare të Zhvillimit 2022-2042./Telegrafi/