Maqedonia në mesin e vendeve më të palumtura në botë

Sipas rezultateve nga hulumtimi i zbatuar nga ana e IPL (Indeksi i Planetit të Lumturisë), Maqedonia përfshihet në vendin më të palumtur në botë, përcjell Telegrafi Maqedoni.

Përveç neve, si vende me nivel më të ulët të njerëzve të lumtur gjendet edhe Bullgaria, Rusia por edhe SHBA.

Vendet në të cilët jetojnë njerëzit më të lumtur, janë Kostarika, Vietnami, Kolumbija dhe Belize.

Hulumtimi ëshhtë bërë sipas të dhënave për jetën, shëndetin dhe gjendjen ekologjike në të gjithë vendet në botë, veçanërisht sa jetë të shëndetshme dhe të gjata ka një shtet.

Harta dhe lumturi-matësi janë publikuar në faqen “The culture trip” dhe tregon se fqinjët tanë nga Greqia dhe Serbia janë për disa nuanca më të lumtur se ne, kurse Shqipëria bie në zonën e gjelbër të ndritur, çka do të thotë se njerëzit atje janë më të lumtur se ne.

Sipas matjeve të IPL, me ngjyrë të kuqe të errët janë vendet e njerëzve të palumtur, kurse me ngjyrë gurkali (bashkim ngjyrash gjelbër-kaltër) janë vendet me njerëzit më të lumtur. /Telegrafi/