Maqedoni, rritet numri i lindjeve të parakohshme, vdesin pesë foshnja

Klinika universitare për gjinekologji dhe obstetrikë në Shkup informon se gjatë javëve të fundit është rritur numri i lindjeve të parakohshme. Prej 9 deri më 13 prill kanë vdekur pesë foshnja të lindura para kohe. Nga Klinika apelojnë deri te lehonat edhe gjatë ballafaqimit me Kovid-19, në mënyrë të qetë dhe pa panik, të përgatiten për lindje të lumtur. Nëse kanë nevojë për mbështetje psikologjike, të paraqiten në numrin e telefonit 078/378-766.

“Shtatzënia edhe në rrethana normale përcillet me oscilime në emocione, shpeshherë shoqërohet me ndjeshmëri dhe shqetësime të mëdha, ndërsa është e pritshme që Kovid-19 të shkaktojë shqetësim të theksuar tek gratë shtatzëna. Për shkak të asaj, nuk përjashtohet gjendja psikologjike e shtatzënave të ketë ndikimin e vet në rritjen e numrit të lindjeve të parakohshme, në krahasim me atë të zakonshme”, thonë nga KGJO.

Në KGJO-Shkup, nga data 9 e deri më 13 prill kanë vdekur pesë foshnja të lindura parakohe me peshë jashtëzakonisht të ulët të lindjes dhe me papjekuri ekstreme.

Klinika Universitare për Gjinekologji dhe Obstetrikë – Shkup u bën apel shtatzënave edhe në periudhën e përballjes me Kovid-19, me qetësi dhe pa panik të përgatiten për rezultatin e lumtur të shtatzënisë. a