Maqedoni, PSP kërkon informata edhe nga kompania që ka bërë mirëmbajtjen e sistemit AKMIS

Prokuroria speciale publike nga kompania e softuerit “Edusoft”, e cila e ka përgatitur dhe e mirëmban sistemin për shpërndarje të lëndëve gjyqësore e njohur si AKMIS, ka kërkuar informacione për opsionet dhe funksionet e aplikacionit, përcjell Telegrafi Maqedoni.

Nuk është e njohur nëse bëhet fjalë për procedurën e njejtë parahetimore që e njoftoi prokurorja Katica Janeva pas bastisjes te ish kryetari i Gjykatës penale, Vlladimir Pançevski.

Kompania “Edusoft” bën mirëmbajtjen e AKMIS sistemit që nga lëshimi i tij në shërbim, në vitin 2009 deri në fundin e vitit të kaluar. Në pyetjen e ‘Makfaks’ se a është e mundur të ketë ndikim nga faktori njeri në ndarjen e lëndëve, nga “Edusoft” u përgjigjën se të gjitha ndryshimet në aplikacion janë të regjistruara. “Aplikacioni i mundëson të gjitha funksionet të kërkuara nga ekipi i ekspertëve gjatë analizës për përgatitjen e sistemit dhe nga ekipi i punës në fazat e mirëmbajtjes.”, thonë nga kompania “Edusoft”.

Në kontekst të deklaratave se sistemi ka pësuar rënie të shumta, nga “Edusoft” thonë se ajo gjë ka mundur të ndodhë si pasojë e përditësimit të sistemit, por nuk përjashtohet mundësia të jetë për shkak të sistemit aktual në kompjuterët e gjykatave. Nga viti 2010 sistemi për ndarje automatike të lëndëve AKMIS është funksional në të gjitha 34 gjykatat e Maqedonsië duke e zëvendësuar ndarjen në dorë të lëndëve./Telegrafi/