Manchester United i gatshëm të shesë çdo anëtar të ekipit, përveç tre lojtarëve

Manchester United është i gatshëm që të shesë çdo lojtar të ekipit të tyre këtë verë, përveç tre emrave që po cilësohen të paprekshëm sipas një raportimi të ri.

‘Djajtë e Kuq’ momentalisht gjendet në pozitën e gjashtë në Ligën Premier, pas një sezoni zhgënjyes ku ata humbën 12 ndeshje nga 34 sa i kanë zhvilluar gjithsej.

Duke marrë parasysh se kualifikimi në Ligën e Kampionëve është thuajse i pamundur, dhe me lojtarët pagat e të cilëve do të zvogëlohet rreth 25 për qind, klubi pritet që të ndërmarr një qasje ‘ultra fleksibile’ që ka të bëjë me shitjen e një lojtari para se të transferojnë një të ri.

Anthony Martial, Raphael Varane dhe Brandon Williams që të gjithë pritet të largohen si lojtarë të lirë, ndërsa mbetet të shihet se a do të ketë oferta për emra si Aaron Wan-Bissaka, Donny van de Beek, Victor Lindelof dhe Christian Eriksen.

Lexo po ashtu Peter Schmeichel shpjegon pse Tuchel mund të jetë zëvendësues ideal për Ten Hag

Casemiro shihet gjithashtu si i pazëvendësueshëm, por paga e tij e madhe prej 350 mijë eurosh në javë, mund ta detyrojë Unitedin të pranojë ofertat që vijnë në drejtim të tyre.

Klubi gjithashtu pret që të fitojë një shumë të majme parash nga shitja e yjeve si Mason Greenwood, Jadon Sancho dhe Antony.

Në fund, raporti thekson se United do të mbështetet tek treshja Rasmus Hojlund, Kobbie Mainoo dhe Alejandro Garnacho, që po cilësohen si të vetmit lojtarë të paprekshëm në ekip, dhe shtylla e projektit të ri sportiv./Telegrafi/