Man Utd mëson nga gabimi me Ten Hag dhe bën dy ndryshime të mëdha në kontratën e Amorim

Manchester United ka bërë dy ndryshime të mëdha në kontratën e Ruben Amorim, diçka që nuk ishte parë në krahasim me Erik Ten Hag.

United njoftoi sot (e premte) se Amorim do të bëhet zëvendësuesi i përhershëm i Ten Hag në ‘Old Trafford’, pasi holandezi u shkarkua më herët gjatë kësaj jave.

Ai ka nënshkruar një kontratë për dy vite e gjysmë me ‘Djajtë e Kuq’, të cilën klubi mund ta zgjasë edhe për 12 muaj të tjerë.

Daily Mail ka raportuar se Unitedi ka paguar 1 milionë euro krahas klauzolës së lirimit të Amorim prej 8.3 milionë eurosh për të siguruar më herët largimin e tij.

Në fakt, titulli i punës së Amorim do të jetë trajner kryesor dhe jo menaxher, titull të cilin e mbante Ten Hag gjatë kohës së tij në ‘Old Trafford’.

Kjo shënon një ndryshim të madh në klub pas ardhjes së Sir Jim Ratcliffe në shkurt dhe promovimit të një strukture të re të udhëhequr nga drejtori sportiv Dan Ashëorth.

Gazetari Ben Jacobs ka raportuar se Amorim nuk e ka të drejtën e vetos për transferime njësoj si Ten Hag.

Ten Hagu kishte pasur të drejtën e vetos për çdo transferim tek Unitedi, një fuqi të cilën ai e mbajti edhe pasi nënshkroi një kontratë të re me klubin në verë.

Por Amorim nuk do të ketë një luks të tillë, duke shënuar kështu një ndryshim të madh në mënyrën se si merren vendimet brenda klubit./Telegrafi/