Man United e ka mësuar diagnozën e lëndimit të Onanas

Federata e Futbollit të Kamerunit ka konfirmuar se portieri i Manchester United, Andre Onana është tërhequr nga skuadra pasi pësoi një lëndim në ndeshjen kundër Mauritius.

Onana çaloi në minutat e fundit në fitoren me rezultat 2-0 të skuadrës së tij me atë që raporti fillimisht e përshkruan si një problem muskulor, por Kameruni tani ka konfirmuar se ai ka pësuar një dëmtim në kockën e këmbës.

“Federata e Futbollit të Kamerunit informon publikun se lojtari Andre Onana u lëndua gjatë ndeshjes kundër Mauritius më 17 nëntor 2023 në Douala dhe nuk është pjesë e ekipit të ‘Luanëve të Paepur’ aktualisht në Bengazi”, thuhej në komunikatën e lëshuar nga Kameruni.

United do të rikthehen në aksion pas pushimit me kombëtare, teksa do të luajnë më udhëtim ndaj Evertonit të dielën e ardhshme.

Nëse Onana nuk arrin të rikuperohet në kohë, trajneri i United, Erik ten Hag mund të detyrohet t’i besojë nënshkrimit të verës Altay Bayindir paraqitjen e tij të parë për klubin. Reprezentuesi turk është duke pritur për debutimin e tij pasi u bashkua nga Fenerbahce për 6 milionë funte.

Lexo po ashtu Maldini lidhet me një rol drejtues te Manchester Unitedi

Bayindir ishte në aksion me Turqinë të shtunën pasi skuadra e tij siguroi një fitore të madhe me rezultat 3-2 ndaj Gjermanisë në një miqësore luksi dhe tani do të përballet me Uellsin të martën për të përmbyllur ciklin kualifikues.

“Djajtë e Kuq” po përballen me një ‘krizë’ të madhe të lëndimeve me Lisandro Martinez, Luke Shaë, Tyrell Malacia, Jonny Evans, Casemiro, Christian Eriksen, Amad Diallo dhe Rasmus Hojlund që të gjithë jashtë fushës shkaku i lëndimeve./Telegrafi/