Malisheva ‘shkatërron’ Lirinë, shkëlqen Hazrollaj me katër gola të shënuar

Malisheva ka fituar me rezultat tenistik 7-4 ndaj Lirisë në kuadër të javës së 34-të në Albi Mall Superligën e Kosovës.

Në këtë takim shkëlqeu Drilon Hazrollaj që shënoi plotë katër gola, Etnik Brruti me dy gola dhe një tjetër nga Altin Aliu.

Liria mori avantazhin e para me anë të Valmir Berishës (30’) i cili shënoi nga pika e bardhë për rezultatin 1-0.

Altin Aliu (42’) shënoi për të barazuar rezultatin në 1-1, ndërsa Drilon Hazrollaj (48’) shënoi për 2-1 pas asistimit të Altin Aliut.

Në pjesën e dytë Malisheva u tregua edhe më e fortë duke mos u ndalur së shënuari në portën e Lirisë.

Drilon Hazrollaj (49’) shënoi për rezultatin 3-1 ndërsa po i njëjti lojtar gjeti rrugën e rrjetës edhe në minutën e 51-të për rezultatin 4-1.

Mysafirët arritën që të shënojnë edhe një herë tjetër kësaj radhe në minutën e 55-të për rezultatin 4-2.

Vendasit përsëri arritën që të shënojnë dy gola në një kohë shumë të shkurtër kësaj radhe me Etnik Brrutin që gjeti golin në dy raste (66’ dhe 68’) për rezultatin 6-2.

Liria shënoi edhe një herë tjetër për rezultatin 6-3, ndërsa goditjen përfundimtare prizrenasve ia dha Drilon Hazrollaj (81’) që shënoi golin e tij të katërt personal në këtë takim dhe të shtatin për Malishevën.

Liria shënoi edhe një gol tjetër me anë të Gjumsit i cili realizoi për rezultatin 7-4.

Ndeshjen e fundit në kampionat Malisheva do ta luajë në udhëtim ndaj Dritës, ndërsa Liria do të jetë nikoqir i Llapit në Prizren./Telegrafi/