Maja e Gjeravicës, kurora e alpeve të Kosovës

Njëra nga bukuritë e shumta të Bjeshkëve të Nemuna është edhe Maja e Gjeravicës, me një lartësi mbidetare prej 2656 metrave, duke qenë kështu maja më e lartë në territorin e Kosovës.

Kjo maje malore gjendet në pjesën perëndimore të Kosovës, më saktësisht në vargmalet e Bjeshkëve të Nemuna që ndajnë kufirin shtetëror të komunës së Junikut me Shqipërinë.

Maja e malore e Gjeravicës, i takon territorit të komunës së Junikut, ku fare pranë saj gjendet edhe Maja Gusani, e cila për nga lartësia radhitet menjëherë pas Gjeravicës, me një lartësi mbidetare prej 2639 metrave.

Ngjitja në majën e Gjeravicës mund të bëhet nga disa shtigje, dhe të shumtë janë vizitorët që ngjiten në pikën më të lartë malore në Kosovë, duke u shoqëruar nga pamjet piktoreske gjatë gjithë rrugëtimit të tyre.

Nga aty përveq vargmalet tjera të cilat e rrethojnë si: Maja e Shkelzenit, Rrasa e Zogut, Maja Jezercës, vizitorët në perëndim, në pjesën e masivit të Deçanit mund të shohin Liqenin Zemër i cili këtë emër e ka marrur nga forma e veçantë e tij, derisa në rrethin e Gjeravicës gjinden edhe Liqeni i Madh dhe Liqeni i Vogël i Gjeravicës.

Liqeni i Madh i Gjeravicës gjendet në lartësinë mbidetare 2320 metra, ndërsa në 2360 metra lartësi mbidetare gjindet edhe Liqeni i Vogël i Gjeravicës, liqene këto që përveç ujit të ftohtë, njihen për botën e pasur bimore dhe shtazore.

Ndërsa Liqeni i Zemrës ndodhet rreth 400 metra nga kufiri me Shqipërinë në një latrësi mbidetare prej 2539 metra. Për kah pamja dhe forma e tij, Liqeni i Zemrës i ngjan Liqenit të Gjeravicës, dhe ka një gjatësi prej prej 150 metrave.

Maja e Gjeravicës, përveç ndjesisë së jashtëzakonshme që të ofron duke të bërë një me natyrën, dhe duke të pasuruar imazhin e mendjes me pamje piktoreske, të ofron ajrin e pastër dhëe mrekullinë e gdhendur nga natyra, që e pasurojnë edhe më shumë peisazhin e bjeshkëve që e rrethojnë territorin e Kosovës.