LUMTURIA ËSHTË DASHURI

Nga: Hermann Hesse
Përktheu: Rielna Paja

Mësova se të të duan nuk është asgjë, ndërsa të duash është gjithçka; ajo që i jep vlerë qenësisë sonë nuk është gjë tjetër veç aftësia jonë për të ndjerë.

Paraja nuk ishte asgjë, pushteti nuk ishte asgjë. Kemi parë plot njerëz që kishin edhe njërën edhe tjetrën, por ishin të pakënaqur.

Bukuria nuk ishte asgjë: pamë burra të pashëm dhe gra të bukura që ishin të palumtur, pavarësisht bukurisë së tyre.

Shëndeti gjithashtu nuk kishte shumë rëndësi; të gjithë kishin shëndetin që ndjenin; kishte njerëz të sëmurë plot vullnet për të jetuar, që lulëzuan deri pak para fundit dhe po ashtu të shëndetshëm që u vyshken në ankth nga frika e vuajtjeve.

Lumturia ishte kudo ku njeriu kishte ndjenja të forta dhe jetonte për to; nuk i largonte, nuk i dhunonte, por i kultivonte dhe i shijonte ato.

Bukuria nuk kënaqte ata që e zotëronin, por ata që dinin ta donin dhe adhuronin.

(…) Lumturia është dashuri, asgjë tjetër. I lumtur është ai që di të dojë.