Lojtarët e Romës të pakënaqur për shkarkimin e De Rossit: dy liderë u përballen me drejtuesit

Lojtarët e Romës thuhet se janë të pakënaqur me shkarkimin e Daniele De Rossit dhe dy liderët e zhveshtores, Lorenzo Pellegrini dhe Gianluca Mancini, patën një ‘konfrontim’ me drejtuesit e klubit pas njoftimit të mërkurën.

Sipas Il Corriere dello Sport, lojtarët e Romës janë të pakënaqur me shkarkimin e De Rossit dhe dy lojtarët kryesorë, Pellegrini dhe Mancini, kërkuan sqarime në një ‘konfrontim intensiv’ me drejtuesit e klubit të mërkurën gjatë ditës.

Është raportuar tashmë se lojtarët e Romës ishin të befasuar nga njoftimi i klubit të mërkurën në mëngjes, por Il Corriere dello Sport tani shton se dyshja italiane që përfaqësonte pjesën tjetër të ekipit u takua me drejtuesit e klubit për të kuptuar vendimin e tyre.

Il Corriere dello Sport reports that Roma players are unhappy about Daniele De Rossi’s sacking, and two dressing room leaders, Lorenzo Pellegrini and Gianluca Mancini, had a ‘confrontation’ with club executives after the announcement on Wednesday. https://t.co/oSJjUFLw2Z #ASRoma…

— Football Italia (@footballitalia) September 20, 2024

Sipas raportit, Pellegrini dhe Mancini gjithashtu pyetën pse klubi kishte thirrur lojtarë të tjerë të hënën për të ditur opinionet e tyre për De Rossin. Ndër futbollistët e konsultuar nga drejtuesit të hënën ishin Paulo Dybala dhe Leandro Paredes, të cilët këmbëngulën që i gjithë ekipi të mbështeste trajnerin e tyre.

Kjo është një arsye më shumë pse Pellegrini dhe Mancini u përballën me drejtuesit e klubeve dy ditë më parë dhe u përpoqën t’i bindnin të ndryshonin mendje, por ishte tepër vonë.

Roma ka emëruar ish-trajnerin e Torinos, Ivan Juric deri në fund të sezonit. Giallorossët presin Udinesen në Olimpico të dielën, më 22 shtator, ku tifozët vendas pritet të protestojnë kundër shkarkimit të De Rossit. /Telegrafi/