Sport Rishikime

LK: Formacioni më i mirë i ndeshjeve kthyese çerekfinale

Para 15 vitesh

Rrethi kthyes çerekfinal ishte plotë emocione dhe i gërshetuar me mjeshtri të mëdha futbollistike. Natyrisht, kur kemi të bëjmë me artin e futbollit, apo Pikason e futbollit kemi të bëjmë me një njeri, Lionel Messin. ‘el Messiah’ është njeriu i këtij rrethi në Ligën e Kampionëve falë katër golave të tij në Ligën e Kampionëve ndaj Arsenalit, të cilat u përcollën me disa lëvizje dhe mjeshtri të papara ndonjëherë më parë.

Sneijder dhe Robben treguan edhe një herë se pse Real Madridi gaboi që i shiti. Sneijder me një goditje të lirë nga distanca si zakonisht, eliminoi CSKA-n, kurse Robben me një super-vole të ndihmuar nga Ribery fundosi në eliminim Manchester Unitedin.

Hugo Lloris tregoi edhe njëherë se pse së shpejti do të bëhet portieri më i mirë në botë kur kualifikoi pothuajse vet skuadrën e tij Lyon.

Formacioni më i mirë i rrethit kthyes çerekfinal në Ligën e Kampionëve (4-2-3-1).

Portier:

Hugo Lloris – Lyon

Portieri francez edhe njëherë tregoi klasin e tij prej një portieri të madh kur edhe njëherë shpëtoi Lyonin për ta kualifikuar. Ai ndali në çastet e fundit një goditje me kokë nga kundërshtari, ashtu si dy raste tjera ideale të pandalshme. Lloris është kandidat për portierin më të mirë në botë.

Mbrojtës:

Dani Alves – Barcelona

Mbrojtësi brazilian është aq i rëndësishëm për Blaugranët sa Xavi dhe Messi. Ai është i palodhshëm si në sulm ashtu dhe në mbrojtje duke shfaqur dhe një paraqitje të mirë në fitoren me rezultat 4-1 ndaj Arsenalit.

Lucio – Inter

I rikthyeri në skuadër për ndeshjen e dytë, Lucio, tregoi edhe njëherë rëndësinë e tij për skuadrën duke lënë jashtë sistemit Tomas Necidin dhe duke zvogëluar presionin rus të CSKA-së bërë ndaj portës Nerazzure.

Mickael Ciani – Bordeaux

Bordeaux nuk pranoi gola në ndeshjen e dytë ndaj Lyonit, por sa mjafton kjo kur skuadra e Laurent Blanc u eliminua. Ciani mbajti skuadrën e tij në lojë me disa intervenime të mençura duke u kthyer nga paraqitja katastrofale e fundjavës, në formën më të mirë.

Benoit Tremoulinas – Bordeaux

Kombëtarja franceze nuk ka arsye pse të zgjedhë më Patrice Evran, Gael Clichyn apo Eric Abidalin, pasi që në horizont po shndrit Benoit Tremoulinas. Një anësor i majtë tejet modern me aftësi të njëjtë si në mbrojtje ashtu dhe në sulm. Ishte ndikues në golin e Chamakh.

Mesfushorë:

Xavi – Barcelona

Tentoi dhe për pak sa nuk e arriti shifrën prej 100 pasimesh ndaj Arsenalit, duke asistuar në një nga gjashtë pasimet. Ai ishte lojtari që vrapoi më shumë në fushë, thjeshtë fantastik. Xavi nuk e lëshon topin nga këmba dhe nuk duhet të çuditemi se pse Barcelona në një moment pati 75% të posedimit të topit.

Bastian Shweinsteiger – Bayern Munich

Futbollisti më i përmirësuar i këtij sezoni? Natyrisht, gjermani është shembull ideal për këtë. Fizikisht i fortë, i qetë me top dhe me një sy të mirë për pasime. Është për t’u çuditur se pse më herët nuk ishte ky që është sot, mesfushor qendror.

Nani – Manchester United

Shënoi golin e parë në Old Trafford që nga janari i 2009-ës dhe golin e parë të tij në pjesën e parë o jetë o vdekje ndaj Bayernit. Phillip Lahm nuk arriti ta ndal Nanin në asnjë moment, që ishte padyshim njeriu larg më i mirë i mbrëmjes për Unitedin.

Arjen Robben – Bayern Munich

Çfarë lojtari, çfarë goli! Në mënyrë të njëjtë si ndaj Fiorentinas, Robben shpëton skuadrën e tij duke e eliminuar kundërshtarin nga një humbje 3-2, natyrisht pas një super goli të Robben. Holandezi frikësonte Djajtë e Kuq në çdo moment kur ai e kishte topin në pjesën e dytë të takimit.

Yoann Gourcuff – Bordeaux

Shpresat e skuadrës së tij ishin në të për të çuar në gjysmëfinale ‘Les Girondins’. Ish mesfushori kreativ i Milanit ishte zemra e Bordeaux në ndeshje me pasimet kryesore në ndeshje, por dështoi të bëjë asistimin e kualifikimit. Lyoni u mbajt mirë dhe për këtë shkak Gourcuff me armatën e tij eliminohen.

Sulmues:

Lionel Messi – Barcelona

Do të ishte ofendim për Messin nëse do të përmendnim një sulmues tjetër në krah me të. Magjistari Messi ishte thjeshtë i pandalshëm duke treguar edhe njëherë gjenialitetin e tij. Askush nuk mund ta prek Messin tani për tani, prandaj duhet të kënaqemi me formën dhe me kohën të cilën po jetojmë për ta përjetuar formën e tij fascinante. Futbollisti më i mirë në botë.