Liverpooli heq dorë nga Sancho, tani synohet transferimi i Milot Rashicës

Liverpooli ka hequr dorë për ta transferuar talentin e madh anglez Jadon Sancho.

Trajneri gjerman Jurgen Klopp e pëlqen jashtëzakonisht shumë Sanchon, por klubi nuk është i gatshëm të shpenzojë 130 milionë euro për të.

Kësisoj Liverpool ka hequr dorë përfundimisht nga transferimi i anglezit këtë edicion në Anfield.

Mediat angleze kanë raportuar se Klopp tani po shikon alternativa të tjera për repartin ofensivë, me Milot Rashicën që mbetet njëri nga objektivët kryesorë.

https://www.instagram.com/p/B-hMPAQF7Fr/

Klopp e pëlqen jashtëzakonisht shumë Rashicën dhe synon që ta ketë atë në skuadër në vend të Xherdan Shaqirit i cili pritet të largohet në verë.

Reprezentuesi kosovar ka një klauzolë largimi prej 38 milionë eurove nga Werderi, shumë që nuk përbën fare problem për The Reds.

Megjithatë kampionët në fuqi të Evropës duhet të nxitojnë për të nënshkruar me Milotin, pasi gara e skuadrave që e kërkojnë atë është e madhe.

Napoli, Southampton, Crystal Palace, Borussia Dortmund e Benfica janë vetëm disa nga ekipet që kanë shprehur interesim për anësorin nga Vushtrria.

23-vjeçari këtë edicion ka zhvilluar 24 takime me Werderin ku ka shënuar 10 gola dhe ka bërë pesë asistime. /Telegrafi/