Liverpooli dhe Real Madridi në garë për Courtois

Portieri i Chelseat, Thibaut Courtois ka futur në ‘luftë’ dy finalistët e Ligës së Kampionëve, Liverpoolin dhe Real Madridin.

Sikurse Liverpooli ashtu edhe Real Madridi janë të interesuar për transferimin e një portieri të ri për sezonin e ardhshëm.

Reds janë duke kërkuar një zëvendësim për Loris Karius pas shfaqjes së tij të tmerrshme në finalen e Ligës së Kampionëve, ndërsa Reali ka kërkuar një zëvendësim për Keylor Navas tash e disa kohë.

Lexo po ashtu Oblak dhe Alisson në listën e Liverpoolit për të zëvendësuar Kariusin

Sipas gazetarit të njohur italian Gianluca Di Marzio, dy gjigantët evropianë janë vënë pas një transferimi të mundshëm të portierit belg, Courtois.

Courtois, i cili ende nuk është dakord me një zgjatje të kontratës me ekipin nga Stamford Bridge, është shfaqur si një objektiv për të dy klubet.

Gazetari italian gjithashtu raporton se Blutë janë gati të lejojnë që Courtois të largohet nga klubi këtë verë.

Lexo po ashtu Thibaut Courtois refuzon pagën e re të Chelseat

Liverpooli po shikon edhe opsione tjera si Gianluigi Donnarumma dhe Alission Becker, ndërsa Reali gjithashtu pëlqen portierin brazilian të Romës dhe David de Gean.

Në anën tjetër, Courtois ka përfunduar gjithashtu edhe në radarin e gjigantëve francezë të Paris Saint-Germain. /Telegrafi/