Sot mbahet seanca konstituive e legjislaturës së VIII-të të Kuvendit të Kosovës.
Zgjedhjet për Kuvendin e Kosovës janë mbajtur më 14 shkurt, ndërsa certifikimi i tyre u bë më 13 mars. Në njoftimin dërguar mediave nga Kuvendi i Kosovës është bërë i qartë edhe rendi i ditës.
Formimi i Komisionit të përkohshëm për verifikimin e kuorumit dhe të mandateve të deputetëve, Dhënia e betimit të deputetëve, Zgjedhja e Kryetarit të Kuvendit dhe e nënkryetarëve të Kuvendit.
Kandidati i LVV-së për kryetar të Kuvendit të Kosovës do të jetë Glauk Konjufca.
Kjo do të jetë legjislatura e tetë e Kuvendit të Kosovës dhe në bazë të rezultatit, Lëvizja Vetëvendosje do të ketë 58 ulëse, Partia Demokratike e Kosovës do të ketë 19 ulëse, Lidhja Demokratike e Kosovës 15 dhe Aleanca për Ardhmërinë e Kosovës do të ketë tetë ulëse. /Telegrafi/
Kuvendi me organe të reja – pasdite pritet votimi i Qeverisë Kurti
Ka përfunduar seanca konstituive e legjislaturës së tetë të Kuvendit të Kosovës.
Kryetari i ri i Kuvendit të Kosovës, Glauk Konjfuca në fjalimin e tij të parë tha se do të jetë kryetar i të gjithëve, transmeton Telegrafi.
Gjithashtu, sot është betimi i deputetëve, dhe po ashtu janë zgjedhur nënkryetarët.
Nënkryetarët e Kuvendit të Kosovës në legjislaturën e VIII-të janë: nga Lëvizja Vetëvendosje është zgjedhur Saranda Bogujevci, nga Partia Demokratike të Kosovës (PDK) Bedri Hamza dhe nga Lidhja Demokratike e Kosovës është zgjedhur Kujtim Shala.
Glauk Konjufca, zgjidhet kryetar i Kuvendit të Kosovës
Deputetët e Kuvendit të Kosovës, me vota për, kundër dhe abstenim votoi Gluak Konjufcën për kryetar të Kuvendit.
Në sallë të pranishëm ishin 113 deputetë. Kundër votuan PDK dhe LDK.
Betohen deputetët e Kuvendit të Kosovës
Janë betuar deputetët e Kuvendit të Kosovës. Të pranishëm në seancën konstituive janë 114 deputetë.
Ndryshe, para fillimit të pikës së betimit, nga Komisioni për verifikimin e mandatit të deputetëve tha se në bazë të shqyrtimit të dokumenteve Lëvizja Vetëvendosje ka 58 deputetë, PDK 19 deputetë, LDK 15, AAK 8, Lista serbe 10 dhe komunitetet tjera 10.
Komisioni ka konstatuar vlefshmërinë e mandateve sipas njoftimi të Komisionit Qendror të Zgjedhjeve për certifikimin e zgjedhjeve.
Glauk Konjufca te PDK, Vjosa Osmani te LDK
Përshëndetje dhe urime në mes të deputetëve, ‘harrojnë’ rivalitetin politik në fillimin e seancës konstituimit
Formohet Komisioni për verifikim të deputetëve – Kuvendi shkon në pauzë 20 minuta
Është bërë formimi i Komisionit të përkohshëm për verifikimin e kuorumit dhe mandateve të deputetëve.
Kryesues i këtij komisioni do të jetë anëtari i Lëvizjes Vetëvendosje, Adnan Rrustemi, transmeton Telegrafi.
Nga Partia Demokratike e Kosovës do të jetë Ganimete Musliu.
Lidhja Demokratike e Kosovës, Besian Mustafa.
Aleanca për Ardhmërinë e Kosovës, Time Kadrijaj.
Nis seanca konstituive
Ka nisur të mbahet seanca konstituive, të dalë nga zgjedhjet e parakohshme të mbajtur më 14 shkurt.
Seanca po kryesohet nga deputeti më i vjetër, Avni Dehari dhe deputetja më e re, Grainca.
Avni Dehari dhe Adelina Grainca udhëheqin seancën konstituive të legjislaturës së tetë
Brenda pak minutash pritet të fillojë seanca konstituive e legjislaturës së tetë e Kuvendit të Kosovës.
Kjo seancë do të udhëhiqet nga deputeti më i vjetër në moshë, e që në ketë legjislaturë është Avni Dehari nga Lëvizja Vetëvendosje.
Gjithashtu, krahas Deharit do të jetë edhe deputetja më e re e zgjedhur në këtë legjislaturë Adelina Grainca nga Partia Demokratike e Kosovës.
Lirohen nga detyra ministrat e LDK-së, do të japin betimin e deputetit
Zëvendës kryeministri në detyrë, Driton Selmanaj, ministri në detyrë i Mbrojtjes, Anton Quni, ministrja e Kulturës, Vlora Dumoshi si dhe ministri në detyrë i Punëve të Brendshme, Agim Veliu kanë kërkuar nga zyra e kryeministrit lirimin nga detyra pasi që sot do të japin betimin për mandatin e deputetit.
Lajmin për Telegrafin e konfirmoi zëdhënësja e Qeverisë së Kosovës Antigona Baxhaku e cila tha se lirimi i tyre është bërë pasi sot do të betohen për mandatin e deputetit në legjislaturën e VIII-të, në Kuvendin e Kosovës.
Ndërkaq, nga detyra janë liruar edhe zëvendës kryeministri në detyrë, Besnik Tahiri si dhe ministri në detyrë i Bujqësisë Besian Mehmeti
Arrin në Kuvend edhe Vjosa Osmani
Deputetja Vjosa Osmani ka arritur tashmë në Kuvendin e Kosovës.
Seanca konstituive e legjislaturës së tetë është planifikuar të nis në ora 10:00, ndërkohë në sallë kanë filluar të hyjnë deputetët e zgjedhur.
Osmani njëherësh është pretendente për postin e presidentes.
Deputetët e PDK-së, LDK-së dhe AAK-së hyjnë në sallë
Edhe deputetët e Kuvendit të Kosovës, ata të Partisë Demokratike të Kosovës, Lidhjes Demokratike të Kosovës, Aleancës për Ardhmërinë e Kosovës, si dhe të komuniteteve kanë hyrë në Kuvend.
PDK përfaqësohet me 19 deputetë, LDK me 15, AAK me 8.
Kush pritet ta udhëheq seancën konstituive të legjislaturës së tetë?
Brenda pak minutash pritet të fillojë seanca konstituive e legjislaturës së tetë e Kuvendit të Kosovës.
Kjo seancë do të udhëhiqet nga deputeti më i vjetër në moshë, e që në ketë legjislaturë është Avni Dehari nga Lëvizja Vetëvendosje. Gjithashtu, krahas Deharit do të jetë edhe deputetja më e re e zgjedhur në këtë legjislaturë Adelina Grainca nga Partia Demokratike e Kosovës.
Ambasadori amerikan, Philip Kosnett shkon në Kuvend
Në Kuvendin e Kosovës tashmë ka shkuar edhe ambasadori amerikan, Philip Kosnett.
Për pak minuta pritet të fillojë seanca konsitutive e legjislaturës së tetë, ndërsa për kryetar të Kuvendit, Vetëvendosje do të propozojë Glauk Konjufcën.
Kandidat i LVV-së për kryetar të Kuvendit të Kosovës
Siç merr vesh Telegrafi, kandidati i LVV-së për kryetar të Kuvendit të Kosovës do të jetë Glauk Konjufca.
Deputetët nisin të hyjnë në Kuvend
Deputetët e Kuvendit të Kosovës të legjislaturës së tetë tashmë kanë filluar të hyjnë në Kuvend.
Kujtim Shala, Bekë Berisha, Saranda Bogujevci, Duda Balje, Agim Veliu dhe të tjerë deputetë tashmë veçse kanë hyrë në Kuvend.
Në Kuvend ka hyrë edhe deputeti nga radhët e Aleancës për Ardhmërinë e Kosovës (AAK), Pal Lekaj.
Edhe Igor Simiq nga Lista Serbe ka arritur në ambientet e Kuvendit.
Kusari-Lila: Sot fillon të shkruhet një faqe e re e historisë së Kosovë
Deputetja e Levizjes Vetëvendosje, Mimoza Kusari-Lila, e ka filluar ditën me një postim në Facebook, para mbajtjes së seancës konstituive e legjislaturës së tetë, duke thënë se sot shkruhet një faqe e re në historinë e Kosovës.
Osmani: Ditë e bardhë sot
U.d e presidentes së Kosovës, Vjosa Osmani e ka quajtur ‘ditë të bardhë’, ditën që do të mbahet seanca konstituive e Kuvendit të Kosovës.
Promo
Reklamo këtu
Nga Wolt Kosova
Nga Kosmonte Foods
Nga AZTECH Electronics
Lufta Prigozhin - Putin
Më shumë
“Shkëmbim territoresh” – ish-këshilltari i Trumpit flet për rrezikun Kosovë-Serbi
Vrasja në Skenderaj, vëllai i viktimës: I kanë thanë zhveshu në mes lokalit, kanë deshtë me çnjerëzu, tani e kanë vra me 14 plumba
Analiza e ekspertit amerikan për ndryshimet e Trumpit: Serbia do të bëjë përpjekje për territore në BeH dhe Kosovë
Plaçkitën 4 milionë euro në një bankë në Greqi, dy shtetas nga Kosova në kërkim
Arrestimi i Veliajt me urdhër të SPAK, reagon delegacioni i BE në Tiranë
Bedri Hamza: Nëse partia e parë nuk krijon institucionet, duhet me marrë përgjegjësinë PDK-ja
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
A do të shihemi në Balkan eCommerce Summit 2025?
Ekskluzivisht në Telegrafi Deals – Nike REAX nga 101€ në 79.95€!
Çfarë do të thotë DeepSeek AI për marrëdhëniet e SHBA me Kinën?
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Më të lexuarat
Në momentin kur i afrohet Egli Tako - Gjesti largohet nga tavolina
Ish-shoku për Gjestin: Është mosmirënjohës, injorant i fëlliqur - për katër vjet ia kam paguar qeranë e i kam dhënë bukë
Vrasja në Skenderaj, vëllai i viktimës: I kanë thanë zhveshu në mes lokalit, kanë deshtë me çnjerëzu, tani e kanë vra me 14 plumba
“Shkëmbim territoresh” – ish-këshilltari i Trumpit flet për rrezikun Kosovë-Serbi
Analiza e ekspertit amerikan për ndryshimet e Trumpit: Serbia do të bëjë përpjekje për territore në BeH dhe Kosovë
Plaçkitën 4 milionë euro në një bankë në Greqi, dy shtetas nga Kosova në kërkim