Liria ka reaguar ashpër pas ndeshjes me Dritën, të cilën e humbi 4:3.
Prizrenasit insistojnë që janë dëmtuar nga gjyqtari Besfort Kosumi.
Po ashtu, Liria ka kritikuar edhe dhunën e tifozëve të Dritës.
Gjilanasit fituan me një gol të dyshimtë në minutat shtesë.
Klubi nga Prizreni ka dërguar një reagim në adresë të Gazetës Olle.
“Ishte një ndeshje e rëndë pasiqë pos arbitrimit tendencioz, pati edhe sulm me gurë ndaj tifozëve prizrenas, Arpagjikëve, në përfundim të pjesës së parë.
U desh që të ndërhyjë policia për të qetësuar situatën. Arpagjik’t, respektuan marrëveshjen për të lëshuar stadiumin në Gjilan, para përfundimit të ndeshjes, por ata duke dalur nga qyteti, u sulmuan me gurë dhe u dëmtua autobusi i tyre, duke iu thyer xhamat.
Liria, mbetet me shpresë se ky rast do të jetë në tavolinën e diskutimeve të zyrtarëve të thirrur për ndarjen e drejtësisë, përkatësishtë komisonit përkatës”, thuhet në njoftim. /Gazeta Olle/
