Lionel Scaloni e përdor Messin si shembull për të kritikuar futbollin modern

Përzgjedhësi i Argjentinës, Lionel Scaloni, e ka përdorur Lionel Messin si një shembull për të vërtetuar pretendimin e tij se taktikat e futbollit modern po e dëmtojnë këtë sport.

45-vjeçari ka thënë se jemi duke humbur ‘esencën e futbollit’ për shkak se taktikat dhe analizat janë duke marrë një rol më të madh në futbollin modern.

Ai për këtë e ka përdorur shembullin e Messit, duke shpjeguar se taktikat mund të bëhen robotike sipas mënyrës së saj, kur në disa raste është më mirë që t’i lejosh lojtarët të luajnë siç duan ata.

Në një intervistë për Marca, ai kritikoi përdorimin e tepërt të taktikave në futbollin modern.

“Natyrisht, nuk ka shumë lojtar që driblojnë. Nuk ka për shkak se sapo ata të marrin topin ju do të thoni ‘pasojeni atë’. Imagjinojeni nëse Messi kur ishte tetë vjeçar do të dëgjonte vazhdimisht të tjerët duke i thënë ‘pasojeni atë’ nga trajnerët e tij, ne nuk do ta kishim atë sot”, ka thënë Scaloni.

“Është impresive sepse futbolli është bërë shumë i lexueshëm, i studiueshëm dhe mendojnë se në këtë mënyrë mund t’i menaxhojnë gjërat. Ju i thoni një fëmijë shtatë vjeçar apo tetë vjeçar të bëjë një diagonale. Ai është vetëm shtatë vjeçar. Lejojeni të luajë me topin, lëreni të bëjë gabime dhe kur ai të jetë 14 ose 15, ne do fillojmë t’i tregojmë gabimet. Është një mesazh për të ardhmen. Ky është një sport dhe bukuria e futbollit nuk duhet të humbet”, vazhdoi tekniku i Argjentinës.

Scaloni më pas shpjegoi se për lojtarët e rinj, të kesh kënaqësi dhe ta shijosh ndeshjen, është më e rëndësishme se sa taktikat.

“Shembulli më i qartë janë fëmijët. Kur ata janë 12 ose 13 vjeçar ata duhet të luajnë me topin dhe të kënaqen, dhe të mos ketë përpjekje për t’i korrigjuar gabimet e tyre, sepse kështu do të humbet esenca e futbollit dhe ne do të shohim më pak lojtar që kanë guximin të luajnë lirshëm”, përfundoi Scaloni./Telegrafi/