Lëvizja Besa: Një vjet pas vërshimeve, Tetova vërshohet nga premtimet (Foto)

Ka reaguar Lëvizja Besa në lidhje me vërshimet e vitit të kaluar që ndodhën në Tetovë. Në komunikatën drejtuar Telegrafit në Maqedoni, ata thonë në njëvjetorin e vërshimeve, Tetova mbetet e vërshuar nga premtimet e kota.

Lëvizja Besa gjithashtu ka numëruar 4 pika për të cilat e përkujton kryetaren Teuta Arifi.
”1.Lista prej 373 personave, të cilëve duhej t’u kompensohet dëmi, nuk është reale, pasi që një numër prej mbi 30 familje nuk janë përfshirë në këtë listë;
2.Qeveria ka refuzuar në mënyrë unanime kërkesat e mbi 30 familjeve që aplikuan për së dyti për t’u futur në listën e atyre që do të duhej t’u kompensohet dëmi;
3.As kompensimi nuk ka qen real, sepse dëmet janë shumë më të mëdha në krahasim me kompensimin .
4.Kryetarja e Komunës premtoi se do ta sanojë rrugën e lagjes “Dardania”, që e lidh me xhaminë e lagjes, por kjo nuk u bë. Andaj qytetaret e kësaj lagje u detyruan ta bëjnë këtë me vetiniciativë (shih fotot në vazhdim!)” thuhet në komunikatën e Lëvizjes Besa./Telegrafi/