Një lepur i ka mbijetuar një udhëtimi prej më shumë se 48 kilometrave derisa ishte bllokuar në grilën e një makine pasi është goditur nga shoferi.
Sipas medieve të huaja, përcjell Telegrafi, Mark Pearson ishte duke vozitur mes qyteteve Pwllheli dhe Bangor të Uellsit të martën e kaluar kur dëgjoi një “goditje” të fortë në periferi të Nefyn.
Siç bëhet e ditur, 46-vjeçari tha se pasi dëgjoi zërin, ai kontrolloi pasqyrën e tij për mbrapa, por nuk ishte në gjendje të shihte asgjë dhe vazhdoi me makinë për në punë. Disa orë më vonë, një koleg i tha atij se kishte një lepur të mbërthyer në parakolp.
Duke postuar në faqen e tij në Facebook, Pearson tha se kishte frikë se do të gjente vetëm “gjysmën e lepurit”
“U befasova kur zbulova se ky lepur me fat kishte kaluar nëpër grilë dhe ishte bllokuar në një ndarje të mbyllur.
“Ne me të vërtetë nuk mund ta kuptonim se si u fut atje derisa kuptuam se grila ishte këputur, kështu që e goditi atë, e kaloi atë dhe plastika u kthye në vend. Nuk dija nëse duhet të telefonoja kompaninë e sigurimeve, apo Shoqërinë Mbretërore për Parandalimin e Mizorisë ndaj Kafshëve (RSPCA)”.
Pearson, nga Pwllheli, tha se ai më pas kaloi në modalitetin “Operation Bugs”, duke hequr grilën në përpjekje për të çliruar lepurin. Ai tha se duhej të “luftohej” me lepurin për ta kapur nga pas, por ishte në gjendje ta çlironte kafshën pa e lënduar atë.
“Përveç një gjakderdhjeje të tharë nga hunda, nuk dukej se ishte i lënduar”, tha ai. /Telegrafi/